ପଞ୍ଚତତ୍ୱରେ ବିଲୀନ ହେଲେ ଋଷି କପୁର,ବାପାଙ୍କୁ ଅନ୍ତିମ ବିଦାୟ ଜଣାଇବାକୁ ପହଂଚି ପାରିଲେ ନାହିଁ ରିଦ୍ଧିମା
ନୂଆଦିଲ୍ଲୀ: ବଲିଉଡ଼ ସିନେମା ଜଗତର ଆଉ ଜଣେ ଅଭିନେତା ଦୁନିଆକୁ ଅଲବିଦା କହିଛନ୍ତି । ଆଜି ସକାଳ ୮.୪୫ରେ ତାଙ୍କ ମୁମ୍ବାଇର ଏକ ଘୋରୋଇ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏବଂ ଲକଡାଉନ କାରଣରୁ ତାଙ୍କ ଅନ୍ତିମ ସଂସ୍କାର ସମୟରେ କେବଳ ୨୦ ଜଣ ସମିଲ ହୋଇପାରିଥିଲେ । ସବୁଠୁ ଦୁଃଖଦ କଥା ହେଲା ସବୁ ପ୍ରକାର ଚେଷ୍ଟା ସତ୍ତ୍ୱେ ତାଙ୍କ ଅନ୍ତିମ ସଂସ୍କାର ସମୟରେ ଏକ ମାତ୍ର ଅଲି ଅଳି ଝିଅ ରିଦ୍ଧିମା ଇଚ୍ଛା ଥାଇ ବି ପହଞ୍ଚି ପାରି ନାହାଁନ୍ତି ।
ଯଦିଓ ଆଜି ସକାଳ ପ୍ରାୟ ୧୦.୩୦ରେ ତାଙ୍କୁ ଦିଲ୍ଲୀ ପୋଲିସ୍ ମୁମ୍ବାଇ ଯିବାକୁ ଅନୁମତି ଦେଇଥିଲେ । ଦିଲ୍ଲୀର ମୁମ୍ବାଇର ଲମ୍ବା ଯାତ୍ରା ଆରମ୍ଭ ତ କରି ଥିଲେ କିନ୍ତୁ ବାପାଙ୍କୁ ଶେଷ ଥର ପାଇଁ ଦେଖିବା ହୁଏତ ତାଙ୍କ ଭାଗ୍ୟରେ ନଥିଲା ।
ଋଷି କପୁରଙ୍କ ଅନ୍ତିମ ସଂସ୍କାର ଚନ୍ଦନବାଡ଼ି ଶ୍ମସାନ ଘାଟରେ ବିଦ୍ୟୁତ୍ ଚୁଲାରେ କରାଯାଇଛି । ଏହି ସମୟରେ ସୈଫ ଅଲ୍ଲୀଖାନ, କରୀନା କପୁର, ଆଲିୟା ଭଟ୍ଟ, ଅଭିଶେକ ବଚ୍ଚନ, ନିତୁ କପୁର, ଆଦର ଜୈନ ଏବଂ କୁନାଲ କପୁରଙ୍କ ସହ କପୁର ଖାନଦାନର ଆଉ କିଛି ସଦସ୍ୟ ।
ଋଷିଙ୍କ ନିଧନ କପୁର ଖାନଦାନ ପାଇଁ ଏକ ବଡ଼ ଝଟକା । ଖାସ କରି ନିତୁ କପୁର, ରଣବୀର ଏବଂ ରିଦ୍ଧିମା କପୁରଙ୍କ ପାଇଁ ଏହା ପରୀକ୍ଷାର ସମୟ ।
ସୂଚନା ଅନୁସାରେ ରିଦ୍ଧିମା ଦିଲ୍ଲୀରେ ରୁହନ୍ତି । ଲକଡାଉନ କାରଣରୁ ତାଙ୍କୁ ଦିଲ୍ଲୀରୁ ମୁମ୍ବାଇ ଆସିବାକୁ ଅନେକ ସମସ୍ୟାର ସାମ୍ନା କରିବାକୁ ପଡ଼ିଥିଲା । ଯଦିଓ ଋଷିଙ୍କ ପରିବାରଙ୍କୁ ଦିଲ୍ଲୀରୁ ମୁମ୍ବାଇ ଆସିବାକୁ ପୋଲିସ ତରଫରୁ ଅନୁମତି ମିଳିଥିଲା । କିନ୍ତୁ ଏତେ ଲମ୍ବା ଯାତ୍ରା ପାର କରିବା ପରିବାର ପକ୍ଷେ ସହଜ ନଥିଲା ।
