ଋଷିଙ୍କ ଶେଷକୃତ୍ୟକୁ କ’ଣ ପାଇଁ ଆସିଲେନି ଝିଅ ରିଦ୍ଧିମା ? ଜାଣନ୍ତୁ…
ହିନ୍ଦି ସିନେମା ଜଗତର ଲୋକପ୍ରିୟ କଳାକାର ତଥା ସୁପରଷ୍ଟାର ଋଷି କପୁରଙ୍କ ଦେହାନ୍ତ ହୋଇଛି । ତାଙ୍କ ଅନ୍ତିମ ସଂସ୍କାର ବେଳେ ପରିବାରର ୨୦ ଜଣ ସଦସ୍ୟ ଉପସ୍ଥିତ ଥିଲେ । ଦୁଃଖର କଥା ଯେ, ଅନ୍ତିମ ସଂସ୍କାର ସମୟରେ ଋିଷିଙ୍କ ଝିଅ ରିଦ୍ଧିମା ଇଚ୍ଛା ଥାଇ ମଧ୍ୟ ପହଞ୍ଚି ପାରିନଥିଲେ । ତେବେ ରିଦ୍ଧିମାଙ୍କୁ ଗୁରୁବାର ଦିଲ୍ଲୀ ପୋଲିସ ପାସ୍ ଦେଇଥିଲେ ମଧ୍ୟ ସେ ପହଞ୍ଚିପାରି ନଥିଲେ । କାରଣ ଦିଲ୍ଲୀରୁ ମୁମ୍ବାଇ ଲମ୍ବା ରାସ୍ତା ରହିଥିବାରୁ ସେ ଅନ୍ତିମ ସଂସ୍କାର ବେଳେ ପହଞ୍ଚି ପାରିନାହାନ୍ତି ।
ଚନ୍ଦନୱାଡିସ୍ଥିତ ସ୍ମସାନରେ ଥିବା ଇଲେକ୍ଟ୍ରିକ୍ ଚୂଲାରେ ଋଷି କପୁରଙ୍କ ଶବଦାହ କରାଯାଇଥିଲା । ଏହି ଅବସରରେ ସୈଫ୍ ଅଲ୍ଲୀ ଖାନ୍, କରୀନା କପୁର, ଆଲିଆ ଭଟ୍ଟ, ଅଭିଷେକ ବଚ୍ଚନ, ନୀତୁ କପୁର, ଆଦର ଜୈନ, କୁନାଲ କପୁର ଏବଂ କପୁର ପରିବାରର ଅନ୍ୟ ଘନିଷ୍ଠ ବନ୍ଧୁମାନେ ମଧ୍ୟ ସାମିଲ ହୋଇଥିଲେ । ତାଙ୍କୁ ଅନ୍ତିମ ବିଦାୟ ଦେବା ପାଇଁ ତାଙ୍କର ଅତି ନିକଟତର ଅନ୍ୟ ୫ ଜଣ ବନ୍ଧୁ ମଧ୍ୟ ଯୋଗ ଦେଇଥିଲେ। ଋିଷିଙ୍କ ମୃତ୍ୟୁ ସମଗ୍ର କପୁର ପରିବାର ପାଇଁ ଏକ ବଡ଼ ପ୍ରତିବନ୍ଧକ । ବିଶେଷକରି ନୀତୁ କପୁର, ରଣବୀର ଏବଂ ରିଦ୍ଧିମା କପୁରଙ୍କ ପାଇଁ ଏହା ସବୁଠୁ ଦୁଃଖଦ ଘଟଣା ।
ରିପୋର୍ଟ ଅନୁଯାୟୀ, ରିଦ୍ଧିମା ଦିଲ୍ଲୀରେ ରୁହନ୍ତି । ଲକଡାଉନ୍ ଯୋଗୁଁ ସେ ଏହି ସମସ୍ୟାର ସମ୍ମୁଖୀନ ହୋଇଛନ୍ତି । ତେବେ ଦିଲ୍ଲୀରେ ଥିବା ଋିଷିଙ୍କ ସମ୍ପର୍କୀୟଙ୍କୁ ସଡ଼କପଥ ଦେଇ ମୁମ୍ବାଇ ଆସିବାକୁ ଅନୁମତି ମିଳିସାରିଛି । ହେଲେ ସଡ଼କ ପଥ ଦେଇ ଦିଲ୍ଲୀରୁ ମୁମ୍ବାଇ ଆସିବା ପାଇଁ ଅଧିକ ସମୟ ଲାଗିଥାଏ ।
ରିଦ୍ଧିମାଙ୍କୁ ଦକ୍ଷୀଣ ପୂର୍ବ ନୂଆଦିଲ୍ଲୀ ଡିସିପିଙ୍କଠାରୁ ପୂର୍ବାହ୍ନ ୧୦.୩୦ରେ ପାସ୍ ମିଳିଥିଲା । ସେ ସଡ଼କ ପଥ ଦେଇ ମୁମ୍ବାଇ ଆସିବାକୁ ଯୋଜନା କରିଥିଲେ । ତାଙ୍କୁ ପହଞ୍ଚିବା ପାଇଁ ୧୪ ରୁ ୧୫ ଘଣ୍ଟା ସମୟ ଲାଗିଥାନ୍ତା । କିନ୍ତୁ ଲକ୍ଡାଉନ୍ ଭଳି ପରିସ୍ଥିତି ଯୋଗୁଁ ଅପରାହ୍ନ ୩ଟା ସୁଦ୍ଧା ଅନ୍ତିମ ସଂସ୍କାର ଶେଷ କରିବାକୁ ବିଏମ୍ସି ନିର୍ଦ୍ଦେଶ ଦେଇଥିଲା । ଏହି କାରଣରୁ ରିଦ୍ଧିମାଙ୍କୁ ମମ୍ବାଇ ଆସିବାକୁ ତାଙ୍କ ପରିବାର ଲୋକ ମନା କରିଥିଲେ ।
