IPL 2023ର ସୁପରହିରୋ ରିଙ୍କୁ ସିଂହ, ଶେଷ ୫ଟି ବଲରେ ୫ ଛକା ମାରି ମ୍ୟାଚ୍ ଜିତାଇଲେ

ଅହମ୍ମଦାବାଦ: ଅହମ୍ମଦାବାଦରେ ଚାଲିଲା ରିଙ୍କୁ ରାଜ୍। ଗତକାଲି ଆଇପିଏଲ ମୁକାବିଲାରେ ଦେଖିବାକୁ ମିଳିଥିଲା ଧମାକା। ଶେଷ ଓଭରରେ ମ୍ୟାଚ ଛଡ଼ାଇ ଆଣିଲା କୋଲକାତା । ଶେଷ ଓଭରର ଶେଷ ୫ଟି ବଲକୁ ଛକା ମାରି ଦଳକୁ ଜିତାଇଲେ ରିଙ୍କୁ ସିଂହ । ଗୁଜରାଟ ଟାଇଟନ୍ସ ବିରୋଧରେ ବିଜୟ ପାଇଁ ଶେଷ ଓଭରରେ କୋଲକାତାକୁ ଆବଶ୍ୟକ ଥିଲା ୨୯ରନ । ମ୍ୟାଚ ସମ୍ପୂର୍ଣ୍ଣ ଗୁଜରାଟ ସପକ୍ଷରେ ରହିଥିଲା ।

ହେଲେ ରିଙ୍କୁ ସିଂହଙ୍କ ବିସ୍ଫୋରକ ଇନିଂସ ସବୁକିଛି ଓଲଟପାଲଟ କରିଦେଲା । ୟସ୍ ଦୟାଲଙ୍କ ଶେଷ ଓଭରରେ ୫ଟି ଛକା ମାରି ସମସ୍ତ ବାଜି ଓଲଟପାଲଟ କରିଦେଇଥିଲେ ରିଙ୍କୁ । ମୋଟ ୨୧ଟି ବଲର ୬ ଛକା ଓ ଗୋଟିଏ ଚୌକା ସହିତ ୪୮ରନ କରିଥିଲେ ରିଙ୍କୁ ।