ବାଘ ଛାଲ ଜବତ ମାମଲାରେ ପ୍ରଥମ ଦଣ୍ଡାଦେଶ: ୬ମାସ ଜେଲ୍ ଦଣ୍ଡାଦେଶ ଶୁଣାଇଲେ ମାନ୍ୟବର କୋର୍ଟ
ଭୁବନେଶ୍ୱର: କଲରାପତରିଆ ବାଘ ଛାଲ ଜବତ ଘଟଣାରେ ନୟାଗଡ଼ର ସୁଧିର ବେହେରା ଏବଂ ସୁବାସ ଚନ୍ଦ୍ର ବେହେରାଙ୍କୁ ଦଣ୍ଡାଦେଶ ଶୁଣାଇଛନ୍ତି ଖୋର୍ଦ୍ଧା ଏସ୍ଡିଜେମ୍ କୋର୍ଟ । ସେମାନଙ୍କୁ ୬ ମାସର ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ମାନ୍ୟବର କୋର୍ଟ । ଗତ ବର୍ଷ ଏପ୍ରିଲ ମାସ ୨ ତାରିଖରେ ଏସ୍ଟିଏଫ୍ ବୋଲଗଡ଼ ନିକଟରୁ ଉଭୟଙ୍କୁ ଗିରଫ କରିଥିଲା । ବାଘ ଛାଲ ବିକ୍ରି ନେଇ ମୋଟର ସାଇକେଲ୍ରେ ଯିବା ବେଳେ ସେମାନଙ୍କୁ କାବୁ କରିଥିଲା ଏସ୍ଟିଏଫ୍ । ଏହା ପରେ ବନ୍ୟ ପ୍ରାଣୀ ସୁରକ୍ଷା ଆଇନ ଅନୁଯାୟୀ ମାମଲା ରୁଜୁ କରାଯିବା ସହ କୋର୍ଟ ଚାଲାଣ କରାଯାଇଥିଲା । ଏସ୍ଟିଏଫ୍ ଓଡ଼ିଶା ପୋଲିସ ଏକ ସ୍ୱତନ୍ତ୍ର ଓ୍ୱିଙ୍ଗ୍ ଯିଏ ବନ୍ୟ ପ୍ରାଣୀ ବିରୋଧୀ ଅପରାଧ ରୋକିବା ଦିଗରେ କାର୍ଯ୍ୟ କରୁଛି ।
