NEET ସଂରକ୍ଷଣ ନେଇ ସୁପ୍ରିମକୋର୍ଟଙ୍କ ବଡ଼ ଟିପ୍ପଣୀ: କହିଲେ, ମୌଳିକ ଅଧିକାର ନୁହେଁ ସଂରକ୍ଷଣ
1 min read
ନୂଆଦିଲ୍ଲୀ: ମାନ୍ୟବର ସୁପ୍ରିମକୋର୍ଟ ଗୁରୁବାର ଏକ ମାମଲାର ଶୁଣାଣି କରି ସଂଣକ୍ଷଣ ସମ୍ପର୍କରେ ବଡ଼ ଟିପ୍ପଣୀ ଦେଇଛନ୍ତି । ତାମିଲନାଡ଼ୁରେ NEET ପୋଷ୍ଟ ଗ୍ରାଜୁଏସନ ରିଜର୍ବବେସନ୍ ମାମଲାରେ କୋର୍ଟ କହିଛନ୍ତି କି ସଂରକ୍ଷଣ କୌଣସି ମୌଳିକ ଅଧିକାର ନୁହେଁ । ଏହା ସହିତ ଅଦାଲତ ତାମିଲନାଡ଼ୁର କିଛି ରାଜନୈତିକ ଦଳ ଦ୍ୱାରା ଲିଖିତ ପିଟିସନ୍ ଗ୍ରହଣ କରିବାକୁ ମନା କରିଛନ୍ତି ।
ଡିଏମ୍କେ-ସିପିଆଇ-ଏଆଇଡିଏମ୍କେ ସମେତ ଅନ୍ୟ ତାମିଲନାଡ଼ୁର ରାଜନୈତିକ ଦଳମାନଙ୍କ ପକ୍ଷରୁ NEET ଅନୁଯାୟୀ ମେଡିକାଲ କଲେଜ ସିଟ ନେଇ ତାମିଲନାଡ଼ୁରେ ୫୦% ଓବିସି ସଂରକ୍ଷଣ ମାମଲା ଉପରେ ପିଟିସନ ଦାୟର କରାଯାଇଥିଲା । ଏହାକୁ ନେଇ ସୁପ୍ରିମକୋର୍ଟରେ ଗୁରୁବାର ଶୁଣାଣି ହୋଇଥିଲା ।
ଗୁରୁବାର ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି ଯେ, ମାମଲାରେ କାହାର ମାଲିକାନା ଅଧିକାର ଛିନ୍ନ କରାଯାଇନାହିଁ । ଆପଣ ଯୁକ୍ତିରୁ ଲାଗୁଛି ଯେ, ଆପଣ କେବଳ ତାମିଲନାଡୁ ଲୋକଙ୍କ ଭଲ ପାଇଁ କହୁଛନ୍ତି । ଅପରପକ୍ଷରେ ଅଧିକ ସଂଣକ୍ଷଣ ଯୋଡ଼ିବାକୁ କହୁନାହୁଁ, ବରଂ ଯାହା ଆଇନ ରହିଛି ତାକୁ ଲାଗୁ କରିବାକୁ କହୁଛି ବୋଲି କୋର୍ଟ ନିକଟରେ ଡିଏମ୍କେ ପକ୍ଷରୁ ଯୁକ୍ତି ବଢ଼ାଯାଇଛି ।
ସରକାରୀ ଚାକିରିରେ ସଂରକ୍ଷଣର ମୌଳିକ ଅଧିକାର ନୁହେଁ: ସୁପ୍ରିମକୋର୍ଟ
ଇତିମଧ୍ୟରେ ଜଷ୍ଟିସ ରାଓ କହିଛନ୍ତି ସଂରକ୍ଷଣ କୌଣସି ମୌଳିକ ଅଧିକାର ନୁହେଁ । ଆପଣ ସୁପ୍ରିମକୋର୍ଟରୁ ଏହି ଆବେଦନ ଫେରସ୍ତ ନିଅନ୍ତୁ ଏବଂ ହାଇକୋର୍ଟରେ ଦାଖଲ କରନ୍ତୁ । ତେବେ ଏହାରି ଭିତରେ ସୁପ୍ରିମକୋର୍ଟ ଟିପ୍ପଣୀ ଦେଇଛନ୍ତି କହିଛନ୍ତି, ଆମେ ଖୁସି ଯେ, ଗୋଟିଏ ମାମଲା ସପକ୍ଷରେ ସମସ୍ତ ରାଜେନୖତିକ ଦଳ ଏକାଠି ଆସିଛନ୍ତି । କିନ୍ତୁ ଆମେ ଆବେଦନର ଶୁଣାଣି କରିବୁନାହିଁ । କିନ୍ତୁ ଆମେ ଏହାକୁ ଅଗ୍ରାହ୍ୟ କରୁନାହୁଁ ବରଂ ହୋଇକୋର୍ଟରେ ଏହାର ଶୁଣାଣି ନେଇ ସୁଯୋଗ ଦେଉଛୁ ।
