Sushant Singh Rajput Case: ଧରା ପଡ଼ିଗଲେ ରିୟା ଚକ୍ରବର୍ତ୍ତୀ, ଖୋଲିଲା ଡ୍ରଗ୍ସ କାରବାର ରାଜ୍
1 min read
ମୁମ୍ବାଇ: ସୁଶାନ୍ତ ସିଂ ରାଜପୂତ ମୃତ୍ୟୁ ମାମଲାରେ ଗୋଟିଏ ପରେ ଗୋଟିଏ ରାଜ୍ ଖୋଲିବାରେ ଲାଗିଛି । ଅଡ଼ୁଆ ସୂତାରେ ଛନ୍ଦି ହେବାରେ ଲାଗିଛନ୍ତି ରିୟା । ଗତକାଲି ତାଙ୍କ ଭାଇ ସୌବିକ ଏବଂ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡାଙ୍କୁ ଗିରଫ କରିଛି ଏନସିବି । ଅନ ପକ୍ଷରେ ଆଜି ସୁଶାନ୍ତଙ୍କ ମୃତ୍ୟୁ ଦିନର ଦୃଶ୍ୟକୁ ରିକ୍ରିଏଟ କରିବାକୁ ମୁମ୍ବାଇର ବାନ୍ଦ୍ରା ସ୍ଥିତ ସୁଶାନ୍ତଙ୍କ ଘରେ ପହଞ୍ଚିଛି ସିବିଆଇ ।
ନିକଟରେ ଜାତୀୟ ଗଣମାଧ୍ୟମରେ ସାକ୍ଷାତକାରରେ ରିୟା ଡ୍ରଗ୍ସ କାରବାର ସହିତ ସମ୍ପୃକ୍ତ ନଥିବା ବୟାନ ଦେଇଥିବା ବେଳେ ଏବେ ସାମ୍ନାକୁ ଆସିଛି ଆଶ୍ଚର୍ଯ୍ୟ କରିବା ଭଳି ଖବର । ଏବେ ତାଙ୍କ ହ୍ୱାଟ୍ସାଆପ ଚ୍ୟାଟରୁ ଏହାର ରାଜ୍ ଖୋଲିଛି । Prevention of Money Laundering Act, 2002 ଦ୍ୱାରା ତଦନ୍ତରେ ରିୟାଙ୍କ ସମ୍ପୃକ୍ତି ଡ୍ରଗ୍ସ କିଣାବିକା କରିବା ଏବଂ ନିଜେ ଡ୍ରଗ୍ସ ନେବା ଖବର ସାମ୍ନାକୁ ଆସିଛି । ଜୀବନରେ କେବେ ମଧ୍ୟ ଡ୍ରଗ୍ସ ନେଇ ନଥିବା ରିୟାଙ୍କ ବୟାନକୁ ମିଛ ପ୍ରମାଣିତ କରିଛି ଏହି ଚ୍ୟାଟ୍ ।
ନିଜ ଜାଲରେ ନିଜେ ଫସିଛନ୍ତି ରିୟା । ତାଙ୍କ ହ୍ୱାଟ୍ସାଆପ ଚ୍ୟାଟରେ ଡ୍ରଗ୍ସ କାରବାରକୁ ନେଇ ହୋଇଥିବା ଆଲୋଚନାର ପର୍ଦ୍ଦାଫାଶ ହୋଇଛି । ଏବେ ରିୟାଙ୍କ ସମସ୍ୟା ଅଧିକ ଜଟିଳ ହୋଇ ଯାଇଛି । ଆରମ୍ଭରୁ ସୁଶାନ୍ତଙ୍କ ମୃତ୍ୟୁରେ ସନ୍ଦେହ ଘେରରେ ଥିବା ରିୟାଙ୍କ ପ୍ରତି ସନ୍ଦେହ ଅଧିକ ଘନୀଭୂତ ହେବାରେ ଲାଗିଛି । ସୂଚନାଯୋଗ୍ୟ ସୁଶାନ୍ତ ମୃତ୍ୟୁ ମାମଲାରେ ଡ୍ରଗ୍ସ ଖବର ସାମ୍ନାକୁ ଆସିବା ପରେ ତଦନ୍ତ ଅଧିକ ତୀବ୍ର ହେବାରେ ଲାଗିଛି ।
