ଅଟଳ ପେନସନ୍ ଯୋଜନା ଲାଗୁ ନେଇ TOP-10ରେ ଓଡ଼ିଶା
1 min read
ଭୁବନେଶ୍ୱର : ଲୋକସେବା ଭବନରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଅଟଳ ପେନସନ ଯୋଜନା ସଂପର୍କିତ ବୈଠକ ଅନୁଷ୍ଠିତ ହୋଇଛି । ଦେଶରେ ଦୁଇ କୋଟିରୁ ଅଧିକ ଲୋକ ଅଟଳ ପେନସନ ଯୋଜନାରେ ସାମିଲ ହୋଇଥିବା ଜଣାପଡ଼ିଛି । ଓଡ଼ିଶାରୁ ପ୍ରାୟ ୬ ଲକ୍ଷ ୬୦ହଜାର ଲୋକ ସାମିଲ ହୋଇଛନ୍ତି । ଏହି ଯୋଜନାରେ ୮ ପ୍ରତିଶତ IR ରହିଛି।
ଏହି ଯୋଜନାରେ ଓଡ଼ିଶା ସାରା ଦେଶରେ ୧୦ମ ସ୍ଥାନରେ ରହିଛି। ୧୮ରୁ ୪୦ ବର୍ଷ ସମୟସୀମା ମଧ୍ୟରେ ଯେକୋୖଣସି ବ୍ୟକ୍ତି ଏଥିରେ ସାମିଲ ହୋଇ ପାରିବେ ବୋଲି କେନ୍ଦ୍ରରୁ ଆସିଥିବା ପ୍ରତିନିଧି ସୂଚନା ଦେଇଛନ୍ତି ।
ଏଥିରେ ମାସିକ ୧୦୦୦ରୁ ୫୦୦୦ ଟଙ୍କା ପେନସନ୍ ମିଳିପାରିବ। UCO BANK ଏହାର ନୋଡ଼ାଲ ଏଜେନ୍ସି ଭାବେ ଓଡ଼ିଶାରେ କାମ କରୁଛି । ସରକାରଙ୍କ ଏହି ଯୋଜନାକୁ ରାଜ୍ୟରେ ଲୋକପ୍ରିୟ କରିବା ପାଇଁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି ପେନସନ୍ ଫଣ୍ଡ ରେଗୁଲେଟୋରି ଏଣ୍ଡ ଡେଭଲପମେଣ୍ଟ ଅଥରିଟିର ସଦସ୍ୟ ସୁପ୍ରୀତମ ବନ୍ଦୋପାଧ୍ୟାୟ।
