ବଲାଙ୍ଗୀରରେ ଉନ୍ନୟନ ମୂଳକ କାର୍ଯ୍ୟ ସମୀକ୍ଷା କଲେ ରାଜସ୍ୱ ବିଭାଗ ପ୍ରମୁଖ ସଚିବ

ବଲାଙ୍ଗୀର: ରାଜସ୍ୱ ବିଭାଗର ପ୍ରମୁଖ ସଚିବ ସତ୍ୟବ୍ରତ ସାହୁ ବଲାଙ୍ଗୀର ଗସ୍ତ କରିବା ସହ ବିଭିନ୍ନ କାର୍ଯ୍ୟର ସମୀକ୍ଷା କରିଛନ୍ତି। ରାଜ୍ୟ ସରକାରଙ୍କ ଫୋକସରେ ରହିଛି ବଲାଙ୍ଗୀର ଜିଲ୍ଲାର ବିକାଶ ପ୍ରକଳ୍ପ । ଚାଲିଥିବା ବିଭିନ୍ନ ବିକାଶମୂଳକ କାମର ଅନୁଧ୍ୟାନ କରିଛନ୍ତି ରାଜସ୍ବ ବିଭାଗର ପ୍ରମୁଖ ସଚିବ । ଅଧପନ୍ତରିଆ କାମର ଅଗ୍ରଗତି ନେଇ ସେ ସମୀକ୍ଷା କରିଛନ୍ତି ।

ସରକାରୀ ଯୋଜନାର ସୁପରିଚାଳନା ସହ ଜାଗା ମିଶନରେ ଯୋଗ୍ୟ ହିତାଧିକାରୀଙ୍କୁ ତୁରନ୍ତ ଜମିପଟା ଯୋଗାଇବାକୁ ନିର୍ଦ୍ଦେଶ ଦେଇଛନ୍ତି ସତ୍ୟବ୍ରତ ସାହୁ । ଏହା ସହିତ ଲୋୟର୍ ସୁକତେଲ ଜଳସେଚନ ପ୍ରକଳ୍ପ, ବାଇପାସ୍, ରିଙ୍ଗରୋଡ କାର୍ଯ୍ୟର ଅଗ୍ରଗତି ନେଇ ସେ ତଦାରଖ କରିଛନ୍ତି । ବୈଠକରେ ଜିଲ୍ଲାପାଳଙ୍କ ସମେତ ବରିଷ୍ଠ ଅଧିକାରୀ ଉପସ୍ଥିତ ଥିଲେ  ।

ଅନେକ ନିର୍ମାଣଧିନ ପ୍ରକଳ୍ପର ସମୀକ୍ଷା କାର୍ଯ୍ୟ କରିଥିଲେ  । ଯେଉଁ ଉନ୍ନତି ମୂଳ୍କ କାର୍ଯ୍ୟ ଗୁଡ଼ିକ ଅଧପାନ୍ତରିଆ ଅବସ୍ଥାରେ ପଡିରହିଛି  । ତାହାର ମଧ୍ୟ ସମୀକ୍ଷା କରିଥିଲେ  । କେଉଁ କାରଣରୁ ପ୍ରକଳ୍ପ ବନ୍ଦ ହୋଇ ରହିଛି ଓ ଏଥିପାଇଁ ମୁଖ୍ୟତଃ କଣ ସମସ୍ୟା ଆସୁଛି ସେନେଇ ସ୍ଥାନୀୟ ଅଧିକାରୀଙ୍କୁ ପଚାରି ବୁଝିଥିଲେ ରାଜସ୍ୱ ବିଭାଗର ପ୍ରମୁଖ ସଚିବ ସତ୍ୟବ୍ରତ ସାହୁ  ।