ମାଲକାନଗିରି : ମାଲକାନଗିରିରେ ସର୍ବାଧିକ ବର୍ଷା ରେକର୍ଡ ହୋଇଛି । କୋରାପୁଟରେ ବି ପ୍ରବଳ ବର୍ଷା ହୋଇଛି । ସରକାର ସ୍ଥିତିର ମୁକାବିଲା ପାଇଁ ପୂର୍ବ ପ୍ରସ୍ତୁତି କରିଥିଲେ । ରାସ୍ତା ଉପରେ ପାଣି ପ୍ରବାହିତ ହେବାରୁ ସମସ୍ୟା ଉପୁଜିଥିଲା। ତେବେ ଜିଲ୍ଲା ପ୍ରଶାସନର ଉଦ୍ଧାର କାର୍ଯ୍ୟ ପ୍ରଶଂସନୀୟ ବୋଲି କହିଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ । ତ୍ବରିତ ମୁକାବିଲା ପାଇଁ କେନ୍ଦ୍ର ସରକାରଙ୍କ ଗୃହ ସଚିବଙ୍କ ସହ ଏସଆରସି କଥା ହୋଇଥିଲେ। ବିଏସଏଫକୁ ରିଜର୍ଭରେ ରଖାଯାଇଥିଲା।
ମାଲକାନଗିରିରେ ୧୮ଶହ ଲୋକଙ୍କୁ ସ୍ଥାନାନ୍ତର କରାଯାଇ ରିଲିଫ କ୍ୟାମ୍ପରେ ରଖାଯାଇଛି । ରିଲିଫ କାମ ତ୍ୱରାନ୍ୱିତ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଥିଲା। ଦୁଇ ବରିଷ୍ଠ ଅଧିକାରୀ ମାଲକାନାଗିରିରେ ଅଛନ୍ତି। ଦିନେ ଦୁଇ ଦିନ ମଧ୍ୟରେ ସ୍ଥିତି ସ୍ୱାଭାବିକ ହେବାର ଆଶା କରାଯାଉଛି। ପରିସ୍ଥିତି ଏବେ ନିୟନ୍ତ୍ରଣାଧୀନ ରହିଛି । ଲ୍ୟାଣ୍ଡ ସ୍ଲାଇଡରେ ଜଣେ ଆହତ ହୋଇଛନ୍ତି। ବନ୍ୟା ଓ ବର୍ଷା କାରଣରୁ କ୍ଷତି ହୋଇଥିବା ଫସଲର ଅନୁଧ୍ୟାନ ପାଇଁ କାମ ଆରମ୍ଭ ହୋଇଛି। ବିଛିନ୍ନ ହୋଇଥିବା ରାସ୍ତା ମଧ୍ୟରୁ ଅନେକ ଖୋଲିଗଲାଣି। ଏହାର ସ୍ଥାୟୀ ପ୍ରତିକାର ପାଇଁ ବି ବିଭାଗ ଚିନ୍ତା କରୁଛନ୍ତି ବୋଲି ରାଜସ୍ବ ମନ୍ତ୍ରୀ ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି ।
