ଏକ ବର୍ଷ ପୂରଣ ପରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ହିସାବ ଦେଲେ ମନ୍ତ୍ରୀ ସୁରେଶ ପୂଜାରୀ

ଭୁବନେଶ୍ୱର: ଏକ ବର୍ଷ ପୂରଣ ପରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ହିସାବ ଦେଲେ ମନ୍ତ୍ରୀ ସୁରେଶ ପୂଜାରୀ । ଏକ ବର୍ଷ ଭିତରେ ହୋଇଥିବା ସଫଳତାର ରିପୋର୍ଟ କାର୍ଡ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ । ବିମାନ ସଂଯୋଗ ବିସ୍ତାର ପାଇଁ ଶ୍ରୀଜଗନ୍ନାଥ ଅନ୍ତର୍ଜାତିକ ବିମାନ ବନ୍ଦର ପାଇଁ ବାଣିଜ୍ୟ ଏବଂ ପରିବହନ ବିଭାଗକୁ ଲିଜ ସୂତ୍ରରେ ୫୯୧.୬୪ ଏକର ଜମି ଯୋଗାଇ ଦିଆଯାଇଛି । ବସୁନ୍ଧରା ଯୋଜନାରେ ଘର ଡିହ ଶୂନ୍ୟ ପରିବାରକୁ ଚି଼ହ୍ନଟ କରି ୧୬ ହଜାର ୭୨୭ ଜଣଙ୍କୁ ଜମି ହସ୍ତାନ୍ତର ସହ ପଟ୍ଟା ପ୍ରଦାନ କରାଯାଇଛି । ସରକାରୀ ଏବଂ ସରକାରୀ ଅନୁଦାନ ପ୍ରାପ୍ତ ଶିକ୍ଷାନୁଷ୍ଠାନକୁ ଏକ ବର୍ଷରେ ୨୦ ହଜାର ୩୮୫ଟି ଜମି ପଟ୍ଟା ପ୍ରଦାନ କରାଯାଇଛି । ୧୯୯୨ରୁ ୨୦୨୪ ଭିତରେ ୧ ହଜାର ୬୭ଟି ରାଜସ୍ବ ଗ୍ରାମ ଘୋଷଣା ହୋଇଥିବା ବେଳେ ଏକ ବର୍ଷ ଭିତରେ ନୂତନ ରାଜସ୍ବ ଗ୍ରାମ ଘୋଷଣା ହୋଇଛି ।

ଭୂ-ସଂସ୍କାର ଆଇନ ଦ୍ୱାରା ୪ ଲକ୍ଷ ୬୧ ହଜାର ୬୦୨ ଖାତାକୁ ସର୍ଭେକ୍ଷଣ କରାଯାଇ ୧ ଲକ୍ଷ ୧୬ ହଜାର ୪୮୬ ଜଣ ମୃତ ବ୍ୟକ୍ତିଙ୍କ ରେକର୍ଡ ୩୭୫ଉତ୍ତରାଧିକାରୀଙ୍କୁ ପ୍ରଦାନ କରାଯାଇଛି । ଅଦିନିଆ ବର୍ଷାକୁ ରାଜ୍ୟସ୍ତରୀୟ ବିପର୍ଯ୍ୟୟ ଭାବେ ଘୋଷଣା ହେବା ସହ ବ୍ଲକ ସ୍ତରରେ ୪୩୪ଟି ସ୍ୱୟଂ ଚାଳିତ ପାଣିପାଗ କେନ୍ଦ୍ର କାର୍ଯ୍ୟକ୍ଷମ । ଏହାସହ ୬ ହଜାର ୬୨୪ ପଞ୍ଚାୟତରେ ସ୍ୱୟଂ ଚାଳିତ ବର୍ଷା ମାପକ ଯନ୍ତ୍ର ସ୍ଥାପନ କରାଯାଇଛି । ସର୍ବାଧିକ ସାପ କାମୁଡା ପ୍ରବଣ ୧୦ ଜିଲ୍ଲାର ଚିହ୍ନଟ ହୋଇଛି । ବିପର୍ଯ୍ୟୟ ମୁକାବିଲା ପାଇଁ ୪ ହଜାର ୮ଶହ ଆପଦ ମିତ୍ର ସ୍ବେଛାସେବକଙ୍କୁ ତାଲିମ ସହ ସୁନାମି ପ୍ରସ୍ତୁତ ଗ୍ରାମ ଭାବରେ ୨୬ଟି ଉପକୂଳବର୍ତ୍ତୀ ଗ୍ରାମକୁ ମାନ୍ୟତା ମିଳିଛି ବୋଲି ମନ୍ତ୍ରୀ କହିଛନ୍ତି ।