ବଢିଲା ବିଜେଡିର ବଳ, ଯୋଗ ଦେଲେ ଅବସରପ୍ରାପ୍ତ ପ୍ରଶାସନିକ ଅଧିକାରୀ

ଭୁବନେଶ୍ବର: ବିଜେଡିରେ ଯୋଗ ଦେଲେ ଅବସରପ୍ରାପ୍ତ ପ୍ରଶାସନିକ ଅଧିକାରୀ ମହେନ୍ଦ୍ର ବଢ଼େଇ । ତାଙ୍କ ଘର ବରଗଡ଼ ପଦମପୁର । ସେ ଜଣେ ଭଲ ସଂଗଠକ। କିଛି ଦିନ ତଳେ ସରକାରୀ ଚାକିରିରୁ ସ୍ବେଚ୍ଛାକୃତ ଅବସର ନେଇଥିଲେ ମହେନ୍ଦ୍ର । ଆଜି ସେ ବିଦ୍ଧିବଦ୍ଧ ଭାବେ ବିଜୁ ଜନତା ଦଳରେ ଯୋଗଦେଇଛନ୍ତି ।

ଶତାଧିକ ସମର୍ଥକଙ୍କ ସହ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟି ବିଜେଡିରେ ସାମିଲ ହୋଇଛନ୍ତି ମହେନ୍ଦ୍ର। 1997ରେ ସରକାରୀ ଚାକିରିରେ ସେ ଯୋଗ ଦେଇଥିଲେ। ଫିସଫେଡରେ ସେ ମାର୍କେଟିଂ ଅଫିସର ଭାବେ ଯୋଗ ଦେଇଥିଲେ। ବିଭାଗୀୟ ପଦୋନ୍ନତି ପାଇ ୨୦୨୦ରେ ସେ ଓଏଏସ ରାଙ୍କକୁ ଯାଇଥିଲେ।