ଅନଲାଇନରେ ତରକାରୀ ମଗାଇ ପସ୍ତାଉଛନ୍ତି ଗ୍ରାହକ

ଲଣ୍ଡନ :   ଗୋଟିଏ ଚାଇନିଜ୍ ରେଷ୍ଟୁରାଣ୍ଟରୁ ଖାଦ୍ୟ ଅର୍ଡର କରି ଇଂଲଣ୍ଡର ଏକ ଦମ୍ପତ୍ତି ପସ୍ତାଉଛନ୍ତି । କାରଣ ତାଙ୍କ ଖାଦ୍ୟରୁ ବାହାରିଥିଲା ମଣିଶ ଦାନ୍ତ ।  ଘଟଣା ସାମ୍ନାକୁ ଆସିବା ପରେ ରେଷ୍ଟୁରାଣ୍ଟର ମ୍ୟାନେଜର କହିଛନ୍ତି ଯେ ଏଠାରେ କାମ କରୁଥିବା ସମସ୍ତ କର୍ମଚାରୀଙ୍କ ଡିଏନ୍ଏ ପରୀକ୍ଷା କରିବାକୁ ସେ ପ୍ରସ୍ତୁତ ଅଛନ୍ତି  । ଯେମିତି ଏହି ଦାନ୍ତ ରେଷ୍ଟୁରାଣ୍ଟରେ କାମ କରୁଥିବା କୌଣସି କର୍ମଚାରୀଙ୍କ ନୁହେଁ ବୋଲି ପ୍ରମାଣିତ ହେବ ।

ଏହି ଘଟଣା ଘଟିଛି ଇଂଲଣ୍ଡର ୱର୍କେଷ୍ଟର ଅଞ୍ଚଳରେ। ନିୟୁ ଟାଉନ କ୍ୟାଣ୍ଟୋନିସ୍ ଟେକଆୱେ ନାମକ ଏକ ଚାଇନିଜ୍ ରେଷ୍ଟୁରାଣ୍ଟରୁ ଏକ ଦମ୍ପତି ଖାଦ୍ୟ ଅର୍ଡର କରିଥିଲେ | କିନ୍ତୁ ଯେତେବେଳେ ସେମାନେ ଖାଇବାକୁ ବସିଲେ, ସେମାନେ ଘୁଷୁରି ତରକାରୀ ସହିତ ମାନବ ଦାନ୍ତ ପାଇଲେ |

ସ୍ଥାନୀୟ କର୍ତ୍ତୃପକ୍ଷ ମଧ୍ୟ ରେଷ୍ଟୁରାଣ୍ଟ ଅନୁସନ୍ଧାନ କରି ଜାଣିବାକୁ ପାଇଲେ ଯେ ରେଷ୍ଟୁରାଣ୍ଟରେ ସୁରକ୍ଷା ବାବଦରେ କୌଣସି ନିୟମ ଭଙ୍ଗ କରାଯାଇ ନାହିଁ। ଏହି ଆଧାରରେ କୌଣସି ପଦକ୍ଷେପ ନ ନେବାକୁ ନିଷ୍ପତ୍ତି ନିଆଯାଇଛି ଏବଂ ରେଷ୍ଟୁରାଣ୍ଟର ରେଟିଂକୁ ମଧ୍ୟ ହ୍ରାସ କରାଯିବ ନାହିଁ ନିଷ୍ପତ୍ତି ନିଆଗଲା ।

https://www.facebook.com/stephanie.mcdonough.10/posts/10221056221657483

ତେବେ ରେଷ୍ଟୁରାଣ୍ଟ ଏହି ଦମ୍ପତି ଷ୍ଟିଫାନି ମ୍ୟାକଡୋନାଗ ଏବଂ ଡେଭିଡ ବୁରୋଙ୍କୁ ମାଗଣା ଖାଦ୍ୟ ଏବଂ ଟଙ୍କା ଫେରସ୍ତ ପ୍ରସ୍ତାବ ଦେଇଥିଲେ କିନ୍ତୁ ଦମ୍ପତି ମାଗଣା ଖାଦ୍ୟ ନେବାକୁ ମନା କରିଦେଲେ | ଏଥି ସହିତ ରେଷ୍ଟୁରାଣ୍ଟର ମ୍ୟାନେଜର କହିଛନ୍ତି ଯେ ଅଧିକାରୀମାନେ ସମସ୍ତ କର୍ମଚାରୀଙ୍କ ଦାନ୍ତ ଯାଞ୍ଚ କରି କୌଣସି ଦାନ୍ତ ହଜିଯାଇ ନ ଥିବା ଜାଣିବାକୁ ପାଇଥିଲେ। ଦାନ୍ତ କିପରି ଖାଦ୍ୟରେ ପହଞ୍ଚିଲା ଆମେ ଜାଣିନାହୁଁ | ଅନୁସନ୍ଧାନ ପରେ ରେଷ୍ଟୁରାଣ୍ଟରେ ସ୍ୱଚ୍ଛତା ବିଷୟରେ କୌଣସି ଅସାବଧାନତା ନାହିଁ ବୋଲି ଅଧିକାରୀମାନେ ସନ୍ତୁଷ୍ଟ ହୋଇଥିଲେ।