ଅନ୍ୟ ଜିଲ୍ଲାର ଲୋକଙ୍କୁ ସ୍ୱର୍ଗଦ୍ୱାରରେ ଶବଦାହ ମନା

ପୁରୀ: କରୋନା କଟକଣା ପାଇଁ ପୁରୀ ସ୍ୱର୍ଗଦ୍ୱାରରେ ଲାଗିଲା କଟକଣା । ଆସନ୍ତା ୧୦ ତାରିଖରୁ ସ୍ୱର୍ଗଦ୍ୱାରରେ ଶବଦାହ ଉପରେ କଟକଣା ଲାଗୁ ହେବ । ପୁରୀ ଜିଲ୍ଲାର ଲୋକଙ୍କୁ କେବଳ ସ୍ୱର୍ଗଦ୍ୱାରରେ ଶବଦାହ ପାଇଁ ଅନୁମତି ମିଳିବ  । ଅନ୍ୟ ଜିଲ୍ଲାର ଲୋକଙ୍କୁ ଶବଦାହ କରିବାକୁ ବାରଣ କରାଯାଇଛି । ଏ ନେଇ ପୁରୀ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି  ।

ବଢୁଥିବା କୋଭିଡ ସଂକ୍ରମଣ ମାମଲାକୁ ଦୃଷ୍ଟିରେ ରଖି ରାଜ୍ୟ ସରକାର ଏହି ନିୟମ ଲାଗୁ କରିଛନ୍ତି  । ସପ୍ତାହ ତଳେ ରାଜ୍ୟରେ ଦୈନିକ ସଂକ୍ରମଣ ୪ ଶହ ତଳେ ଥିବାବେଳେ ବର୍ତ୍ତମାନ ଏହାର ୬ ଗୁଣା ବୃଦ୍ଧି ଘଟିଛି ସଂକ୍ରମିତ ସଂଖ୍ୟା  । ବର୍ତ୍ତମାନ ୨୭ଶହ ଠାରୁ ଅଧିକ ପଜିଟିଭ ଚିହ୍ନଟ ହୋଇଛନ୍ତି  । ତେବେ ଏହା ବ୍ୟତୀତ ବର୍ତ୍ତମାନ ଓମିକ୍ରନ ସଂଖ୍ୟା ମଧ୍ୟ ରାଜ୍ୟରେ ବଢିବାରେ ଲାଗିଛନ୍ତି  ।