କୋହଳ ହେଲା କଟକଣା, ଗଞ୍ଜାମରେ ବଢ଼ିଲା ଦୋକାନ ଖୋଲିବାର ସମୟସୀମା

ଗଞ୍ଜାମ: ଗଞ୍ଜାମରେ ସୁଧୁରୁଛି କରୋନା ସ୍ଥିତି । ଧିରେ ଧିରେ ଗଞ୍ଜାମରେ କରୋନା ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନ ପକ୍ଷରୁ କଟକଣା କୋହଳ କରାଯାଇଛି । ଆଜିଠୁ ବ୍ରହ୍ମପୁରକୁ ଓ ବ୍ରହ୍ମପୁରରୁ ବିନା କଟକଣାରେ ଯାତାୟତ କରିହେବ । କରୋନାକୁ ମାତ୍ ଦେବାକୁ ଜିଲ୍ଲାକୁ ସବୁ ପ୍ରବେଶ ପଥ ସିଲ୍ କରାଯାଇଥିଲା । ଆଜିଠୁ କଟକଣା ଉଠିଥିବା ବ୍ରହ୍ମପୁର ମହାନଗର ନିଗମ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ।

ଏହାସହ ଦୋକାନ ବଜାର ଖୋଲା ସମୟ ବଢ଼ିଛି । ସକାଳ ୫ରୁ ରାତି ୮ଯାଏଁ ଜିଲ୍ଲାରେ ଖୋଲାରହିବ ଦୋକାନ ବଜାର । ସବୁ ଦୋକାନୀ ପଞ୍ଜସୂତ୍ରୀ ନିୟମ ଅନୁସାରେ ସାମାଜିକ ଦୂରତା ଅବଲମ୍ବନ କରିବେ । ଏହାସହ ଜିଲ୍ଲାରେ ସମସ୍ତଙ୍କୁ ମାସ୍କ ପିନ୍ଧିବା ଓ ସାମାଜିକ ଦୂରତା ନିୟମ ମାନିବାକୁ ଅନୁରୋଧ କରାଯାଇଛି । ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ ସପ୍ତାହର ଶେଷ ଦୁଇ ଦିନ ସଟଡାଉନ୍ ଜାରି ରହିବ । ଏନେଇ ଟୁଇଟ କରି ସୂଚନା ଦେଲେ ଗଞ୍ଜାମ ଜିଲ୍ଲାପାଳ ।