ନନ୍ଦିଘୋଷ ବ୍ୟୁରୋ: ସମସ୍ତ କେନ୍ଦ୍ରୀୟ ହସ୍ପିଟାଲଗୁଡ଼ିକୁ ସ୍ବାସ୍ଥ୍ୟସେବା ମହାନିର୍ଦ୍ଦେଶକଙ୍କ ଚିଠି। ହସ୍ପିଟାଲ ପରିସର ମଧ୍ଯରେ ମେଡିକାଲ ରିପ୍ରେଜେଣ୍ଟେଟିଭିମାନଙ୍କୁ ପ୍ରବେଶ ଅନୁମତି ନଦେବାକୁ ପତ୍ରରେ ନିର୍ଦ୍ଦେଶ ଦେଇଛନ୍ତି ମହାନିର୍ଦ୍ଦେଶକ। ଏସମ୍ପର୍କରେ ସମସ୍ତ କର୍ତ୍ତୃପକ୍ଷଙ୍କୁ ଆବଶ୍ୟକୀୟ ତଥା କଡ଼ା ନିର୍ଦ୍ଦେଶ ଦେବା ଲାଗି ପତ୍ରରେ ଦର୍ଶାଯାଇଛି। ତେବେ ଟ୍ରିଟମେଣ୍ଟ, ଇନଭେଷ୍ଟିଗେସନ ଓ ପ୍ରସିଡ୍ୟୁର ସମ୍ପର୍କରେ ଇମେଲ କିମ୍ବା ଡିଜିଟାଲ ମିଡିଆ ଜରିଆରେ ମେଡିକାଲ ରିପ୍ରେଜେଣ୍ଟେଟିଭମାନଙ୍କୁ ଅନୁରୋଧ କରାଯାଇପାରେ ବୋଲି ପତ୍ରରେ କୁହାଯାଇଛି। ଏସମ୍ପର୍କରେ ଆକ୍ସନ ଟେକେନ ରିପୋର୍ଟ ନିର୍ଦ୍ଦେଶାଳୟ ନିକଟରେ ଦାଖଲ କରିବାଲାଗି ନିର୍ଦ୍ଦେଶ ଦିଆଯାଇଛି।
