ନୂଆଦିଲ୍ଲୀ: ରେପୋ ରେଟ୍ ବଢ଼ାଇଲେ ରିଜର୍ଭ ବ୍ୟାଙ୍କ । ୫୦ ବେସିସ୍ ପଏଣ୍ଟ ରେପୋ ରେଟ୍ ବଢ଼ାଇଲେ । ୪.୪୦ରୁ ବଢି ୪.୯୦ ହେଲା ରେପୋ ରେଟ୍ । ଏନେଇ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ସୂଚନା ଦେଇଛନ୍ତି । ୧ ମାସ ବ୍ୟବଧାନରେ ରେପୋ ରେଟ୍ ଦ୍ଵିତୀୟ ଥର ପାଇଁ ରେପୋ ରେଟ୍ ବୃଦ୍ଧି କରିଛନ୍ତି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ । ଏ ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ଗଭର୍ଣ୍ଣର ଶକ୍ତିକାନ୍ତ ଦାସ । ତେବେ ରେପୋ ରେଟ୍ ବୃଦ୍ଧି ପାଇବା ପରେ ଇଏମଆଇ ମହଙ୍ଗା ହୋଇଯିବ ।
ମୁଦ୍ରା ନୀତି କମିଟିର ବୈଠକ ପରେ ରେପୋ ରେଟ୍ ବୃଦ୍ଧି ସମ୍ପର୍କରେ ସୂଚନା ଦେଇଛନ୍ତି ଗଭର୍ଣ୍ଣର ଶ୍ରୀ ଦାସ । ମୁଦ୍ରା ନୀତି କମିଟିର ଏହି ବୈଠକ ସୋମବାର ଠାରୁ ଚାଲିଥିଲା ଏବଂ ଆଜି ଶେଷ ହୋଇଛି । ଚଳିତ ଆର୍ଥିକ ବର୍ଷରେ ଆରବିଆଇ MPCର ଏହା ତୃତୀୟ ବୈଠକ ଥିଲା। ଏହି ବୈଠକରେ ଶକ୍ତିକାନ୍ତ ଦାସଙ୍କ ଅଧ୍ୟକ୍ଷତାରେ ମୁଦ୍ରାସ୍ଫୀତି ଏବଂ ଅର୍ଥନୈତିକ ଅଭିବୃଦ୍ଧି ବିଷୟରେ ଆଲୋଚନା ହୋଇଛି। ଅନିୟନ୍ତ୍ରିତ ମୁଦ୍ରାସ୍ଫୀତିକୁ ଦୃଷ୍ଟିରେ ରଖି ରେପୋ ରେଟ୍ ବୃଦ୍ଧି କରାଯାଇଛି। ଏହା ପୂର୍ବରୁ ଗତ ମାସରେ ରେପୋ ରେଟ୍ରେ ବୃଦ୍ଧି କରାଯାଇଥିଲା। ରେପୋ ରେଟ୍ ୦.୪୦ ପ୍ରତିଶତ ବୃଦ୍ଧି କରାଯାଇଥିଲା।
ଅନ୍ୟପକ୍ଷରେ ୟୁପିଆଇ ପେମେଣ୍ଟ ସିଷ୍ଟମ ସହ କ୍ରେଡିଟ୍ କାର୍ଡ ସଂଯୋଗକୁ ମଧ୍ୟ ଅନୁମତି ଦିଆଯାଇଛି । ବର୍ତ୍ତମାନ କେବଳ ରୁପେ କ୍ରେଡିଟ କାର୍ଡ ସଂଯୋଗକୁ ଅନୁମତି ମିଳିଥିବା ବେଳେ ଆଗକୁ ଏହାର ପରିସୀମାକୁ ବୃଦ୍ଧି କରାଯିବ ବୋଲି ଆରବିଆଇ ପକ୍ଷରୁ କୁହାଯାଇଛି ।
ଏଥିସହିତ ପଢ଼ନ୍ତୁ: ଭାରତରେ ଚିକିତ୍ସା ସେବା ଯୋଗାଇବାକୁ ଯୋଗ୍ୟତା ହାସଲ କରିପାରୁନାହାନ୍ତି
