ବାଂଲାଦେଶରେ ହିନ୍ଦୁ କଣ୍ଠଶିଳ୍ପୀଙ୍କ ଘରକୁ ଆକ୍ରମଣ, ପୋଡିଦେଲେ ୩୦୦୦ରୁ ଊର୍ଦ୍ଧ୍ବ ବାଦ୍ୟଯନ୍ତ୍ର
ଢାକା: ବାଂଲାଦେଶରେ ହିନ୍ଦୁ କଣ୍ଠଶିଳ୍ପୀ ରାହୁଲ ଆନନ୍ଦ ଓ ତାଙ୍କ ପରିବାରକୁ ଆକ୍ରମଣ । ଢାକାରେ ପରିବାରକୁ ଆକ୍ରମଣ ପରେ ତାଙ୍କ ଘରେ ନିଆଁ ଲଗାଇ ଦେଇଛନ୍ତି ଦୁର୍ବୃତ୍ତ । ଅଗ୍ନିକାଣ୍ଡରେ ୩୦୦୦ ହଜାରରୁ ଅଧିକ ବାଦ୍ୟଯନ୍ତ୍ର ଜଳିପୋଡି ଛାରଖାର ହୋଇଯାଇଛି ।
ଶାସ୍ତ୍ରୀୟ ସଙ୍ଗୀତ ପାଇଁ ଦେଶ ପାଇଁ ଗୌରବ ଆଣିଥିବା ଆନନ୍ଦଙ୍କ ଘରକୁ ୨୦୨୩ ମସିହାରେ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନ ବୁଲି ଆସିଥିଲେ ।ଆନନ୍ଦଙ୍କ ବାଦ୍ୟଯନ୍ତ୍ର ଦେଖି ଲୋକଗୀତ ଓ ସଂସ୍କୃତି ପ୍ରତି ବିମୋହିତ ହୋଇଥିଲେ ମାକ୍ରନ । ଆନନ୍ଦଙ୍କ ବାଦ୍ୟଯନ୍ତ୍ର ସଂଗ୍ରହାଳୟ ବୁଲି ଦେଖିଥିଲେ ମାକ୍ରନ ।
ଲୋକଗୀତ କଳାକାର ଆନନ୍ଦ ନିଜ ବାଦ୍ୟଯନ୍ତ୍ର ପାଇଁ ଲୋକପ୍ରିୟ ଅଟନ୍ତି । ଦୁର୍ବୃତ୍ତ ମାନେ ଆକ୍ରମଣ କରିବା ସମୟରେ ତାଙ୍କ ବାସଭବନରେ ଥିବା ୩୦୦୦ରୁ ଊର୍ଦ୍ଧ୍ବ ବାଦ୍ୟଯନ୍ତ୍ର ପୋଡି ପାଉଁଶ ହୋଇଯାଇଛି ।
