ଏକ ମାସରେ ୧୦ ଗୁଣା ବଢ଼ିଲା ରେମଡେସିଭିର ଉତ୍ପାଦନ, କେନ୍ଦ୍ର କରିବନି…

ନୂଆଦିଲ୍ଲୀ: କିଛି ଦିନ ହେବ କରୋନା ଚିକିତ୍ସା ପାଇଁ ଫଳପ୍ରଦ ହୋଇଥିବା ରେମଡେସିଭିରକୁ ନେଇ ଚର୍ଚ୍ଚା ଜାରି ରହିଛି । ଏହା ପଛର ଏକମାତ୍ର କାରଣ ହେଉଛି କରୋନାର ଦ୍ୱିତୀୟ ପର୍ଯ୍ୟାୟରେ ଏହାର ଚାହିଦା ଯଥେଷ୍ଟ ବଢିଯାଇଛି । ଯାହାପରେ ଲୋକ ଏହାର କଳାବଜାରୀ କରିବା ଆରମ୍ଭ କରିଦେଲେ । କିନ୍ତୁ ଏବେ ଏହି ବିପଦ ହୁଏତ ଟଳିଯିବ । କାରଣ ସରକାର ୧୦ ଗୁଣା ଅଧିକ ରେମଡେସିଭିର ଉତ୍ପାଦନ କରିବାରେ ସଫଳ ହୋଇଛନ୍ତି ।

ରେମଡେସିଭିର ଉତ୍ପାଦନ କରୁଥିବା ପ୍ଲାଣ୍ଟ ସଂଖ୍ୟା ବୃଦ୍ଧି କରିଛନ୍ତି କେନ୍ଦ୍ର ସରକାର । ଯେଉଁ କାରଣରୁ ଏଥିରେ ଆଉ ସମସ୍ୟା ଦେଖାଦେବ ନାହିଁ । ଖାଲି ସେତିକି ନୁହେଁ ବରଂ ଏବେ ଚାହିଦା ଠାରୁ ଅଧିକ ଏହାର ଉତ୍ପାଦନ ହେଉଛି । ଏହାକୁ ନେଇ କେନ୍ଦ୍ରୀୟ କେମିକାଲ ଏବଂ ଫର୍ଟିଲାଇଜର ମନ୍ତ୍ରୀ ମନସୁଖ କହିଛନ୍ତିଯେ, କେନ୍ଦ୍ର ସରକାର ଏକ ମାସ ମଧ୍ୟରେ ୩ ଲକ୍ଷ ୫୦ ହଜାର ୟୁନିଟ୍ପହଞ୍ଚାଇଛନ୍ତି । ମନ୍ତ୍ରୀ ଏହା ମଧ୍ୟ କହିଛନ୍ତିଯେ, ସରକାର ରେମଡେସିଭିର ପ୍ଲାଣ୍ଟ ସଂଖ୍ୟାରେ ବିପୁଳ ବୃଦ୍ଧି କରିଛନ୍ତି । ଗୋଟିଏ ମାସ ମଧ୍ୟରେ ଏହି ପ୍ଲାଣ୍ଟ ସଂଖ୍ୟା ୨୦ରୁ ୬୦ରେ ପହଞ୍ଚିଛି । ତେଣୁ କେନ୍ଦ୍ର ସରକାର ରେମଡେସିଭିରକୁ କେନ୍ଦ୍ରୀୟ ଆବଣ୍ଟନରୁ ବାଦ୍ଦେବାପାଇଁ ନିର୍ଣ୍ଣୟ ନେଇଛନ୍ତି ।

କେବଳ ସେତିକି ନୁହେଁ ବରଂ ଜରୁରୀକାଳୀନ ସ୍ଥିତି ପାଇଁ ୫୦ ଲକ୍ଷ ରେମଡେସିଭିର ଗଚ୍ଛିତ ରଖାଯିବ ବୋଲି କହିଛନ୍ତି କେନ୍ଦ୍ର ସରକାର ।