ଭୋପାଳ: ହସ୍ପିଟାଲରୁ ୮୦୦ରୁ ଅଧିକ ରେମଡେସିଭିର ଇଞ୍ଜେକ୍ସନ ଚୋରି
ଭୋପାଳ: ଦେଶରେ କରୋନା ମାମଲା ଲଗାତାର ବଢୁଥିବା ନଜର ଆସୁଛି । କରୋନାରୁ ବଞ୍ଚିବା ପାଇଁ ଲୋକ ଭ୍ୟାକ୍ସିନ ଉପରେ ନିର୍ଭରଶୀଳ ହୋଇ ପଡ଼ିଛନ୍ତି । ଯେଉଁଥିରେ ରେମଡେସିଭିରର ଚାହିଦା ଯଥେଷ୍ଟ ବଢି ଯାଇଛି । କେତେକ ସ୍ଥାନରେ ଟିକା ଚୋରି ହେଉଥିବା ଘଟଣା ସାମ୍ନାକୁ ଆସୁଛି । ନୂଆ ମାମଲା ଏବେ ଭୋପାଳର । ଯେଉଁଠାରେ ହମିଦିୟା ଅସ୍ପିଟାଲରୁ ରେମଡେସିଭିର ଚୋରି ହୋଇଛି ।
ରାଜଧାନୀ ଭୋପାଳର ହମିଦିୟା ହସ୍ପିଟାଲରୁ ଚୋରି ଘଟଣା ସାମ୍ନାକୁ ଆସିଛି । ପ୍ରାୟ ୮୧୬ ରେମଡିସଭିର ଇଞ୍ଜେକ୍ସନ ଚୋରି ହୋଇଥିବା ଆଶଙ୍କା କରାଯାଉଛି । ରିପୋର୍ଟ କହୁଛି କିଛି ଦିନ ପୂର୍ବରୁ ଭୋପାଳରେ ରେମଡେସିଭିରର ନୂଆ ଷ୍ଟକ୍ଆସିଥିଲା । ଯାହାକୁ ନେଇ ତଦନ୍ତ କରୁଛି କୋହେଫିଜା ପୋଲିସ୍। ଚୋରି ଘଟଣା ସାମ୍ନାକୁ ଆସିବା ପରେ ମନ୍ତ୍ରୀ ବିଶ୍ୱାସ ସାରଙ୍ଗ ଏବଂ ଡିଆଇଜି ଇରଶାଦ ବଲି ମଧ୍ୟ ପହଞ୍ଚିଥିଲେ ।
ସୂଚନାଯୋଗ୍ୟ ମଧ୍ୟପ୍ରଦେଶରେ ରେମଡେସିଭିର ଇଞ୍ଜେକ୍ସନ ଚୋରିର ଏହା ପ୍ରଥମ ମାମଲା । ଏହା ଗମ୍ଭୀର ମାମଲା ବୋଲି କହିଛନ୍ତି ମନ୍ତ୍ରୀ ବିଶ୍ୱାସ ସାରଙ୍ଗ ।
ଦେଶସାରା ରେମଡେସିଭିର ଇଞ୍ଜେକ୍ସନର ଚାହିଦା ବଢି ଯାଇଛି । ଅବଶ୍ୟ କେତେକ ସ୍ଥାନରେ ଏହାର କଳାବଜାରୀ ହେଉଥିବା ମଧ୍ୟ କୁହାଯାଉଛି । କିନ୍ତୁ ପ୍ରଶାସନ ଏହାକୁ ନେଇ ଆଲର୍ଟ ହୋଇ ଯାଇଛି ଏବଂ ଦୋଷୀ ପ୍ରତି କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ନିକଟ ଅତୀତରେ ଉତ୍ତର ପ୍ରଦେଶର ସ୍ପେଶାଲ ଟାସ୍କ ଫୋର୍ସ କାନପୁରର କିଦବଇ ନଗରରୁ ତିନି ଜଣଙ୍କୁ ଗିରଫ କରିଛି । ଏମାନେ ରେମଡେସିଭିର ଚୋରା ଚାଲଣ କରୁଥିଲେ । ଏମାନଙ୍କ ଠାରୁ ୨୫୦ ଇଞ୍ଜେକ୍ସନ ଜବତ କରାଯାଇଛି ।
