୨୦୨୧ରେ ଏହିସବୁ ଫିଲ୍ମର ହେବ ହିନ୍ଦୀ ରିମେକ୍, ଜାଣନ୍ତୁ କେଉଁ ବଲିଉଡ଼ ଷ୍ଟାରମାନଙ୍କୁ ନେଇ ହେବ ଏହି ରିମେକ୍

୨୦୨୦ରେ ଏହିପରି ଅନେକ ଫିଲ୍ମ ରିଲିଜ ହୋଇଛି ​​ଯାହା କିଛି ସାଉଥ ଫିଲ୍ମର ହିନ୍ଦୀ ରିମେକ୍ ଥିଲା । ଆସନ୍ତା ବର୍ଷ ମଧ୍ୟ ଏହା ପୁଣି ରିପିଟ ହେବାକୁ ଯାଉଛି । ଫିଲ୍ମ ନିର୍ମାତାମାନେ ପୁଣି ଥରେ ଅନ୍ୟ ଭାଷାରେ ନିର୍ମିତ ହିଟ୍ ଫିଲ୍ମର ରିମେକ ନିର୍ମାଣ କରିବା ମଧ୍ୟ ଦେଖିବାକୁ ମିଳିବ । ତେବେ ଆସନ୍ତୁ ଜାଣିବା ୨୦୨୧ରେ କେଉଁସବୁ ଫିଲ୍ମର ରିମେକ ଆସିବାକୁ ଯାଉଛି ।

ଜର୍ସି

ସାହିଦ କପୁରଙ୍କ ଅଭିନୀତ ଫିଲ୍ମ ଜର୍ସି କିଛି ହେବ ଚର୍ଚ୍ଚାରେ ରହିଛି ।  ଏହି ଫିଲ୍ମ ୨୦୧୯ରେ ମୁକ୍ତିଲାଭ କରିଥିବା ଏକ ତେଲୁଗୁ ଫିଲ୍ମର ହିନ୍ଦୀ ରିମେକ୍ ହେବ ଯାହା ଏହି ସମାନ ଟାଇଟଲ୍ ସହିତ ମୁକ୍ତିଲାଭ କରିଥିଲା  । ଗୌତମ ଟିନ୍ନାନୁରୀ ତେଲୁଗୁ ଫିଲ୍ମର ନିର୍ଦ୍ଦେଶନା ଦେଇଥିଲେ ଏବଂ ସେ ଏହି ରିମେକ୍ ଫିଲ୍ମର ମଧ୍ୟ ନିର୍ଦ୍ଦେଶନା ଦେବେ । ଏହି ଫିଲ୍ମରେ ସାହିଦ କପୁର ଅର୍ଜୁନ ରାୟଚାନ୍ଦ ଭୂମିକାରେ ନଜର ଆସିବେ ।

ଲାଲ ସିଂହ ଚଢା

ଦୀର୍ଘ ଦିନ ଧରି ଆମୀର ଖାନ ଏବଂ କରୀନା କପୁରଙ୍କ ଅଭିନୀତ ଫିଲ୍ମ ଲାଲ ସିଂ ଚଢା ମଧ୍ୟ ଖୁବ୍ ଚର୍ଚ୍ଚାରେ ରହିଆସିଛନ୍ତି । ହଲିଉଡର ସୁପରହିଟ୍ ଫିଲ୍ମ ଫରେଷ୍ଟ ଗାମ୍ପର ଏହି ରିମେକରେ ଆମୀର ଖାନ ମୁଖ୍ୟ ଭୂମିକାରେ ନଜର ଆସିବେ ।

ଦି ଗାର୍ଲ ଅନ ଦି ଟ୍ରେନ

୨୦୧୫ରେ ରିଲିଜ ହୋଇଥିବା ପୁସ୍ତକ Paula Hawkin ପଲା ହକିନ୍ ଉପରେ ଆଧାର କରି ଏହି ଫିଲ୍ମ ୨୦୧୬ ରେ ମୁକ୍ତିଲାଭ କରିଥିଲା । ଯାହା ବର୍ତ୍ତମାନ ବଲିଉଡରେ ପୁନଃ ନିର୍ମାଣ ହେବ ।  ଫିଲ୍ମରେ ଏମିଲି ବ୍ଲଣ୍ଡ ଜଣେ ଛାଡପତ୍ର ପାଇଥିବା ମଦ୍ୟପ ମହିଳା ଭୂମିକାରେ ଅଭିନୟ କରିଥିଲେ । ତେବେ ଏହି ରିମେକ୍ ଫିଲ୍ମରେ ପାରିନୀତି ଚୋପ୍ରା ଏହି ଭୂମିକାରେ ନଜର ଆସିବେ ।

ବିକ୍ରମ ବେଧା

୨୦୨୧ରେ ତାମିଲ ଭାଷାରେ ଏହି ଟାଇଟଲରେ ନିର୍ମିତ ଫିଲ୍ମର ରିମେକ୍ ବଲିଉଡ ଆସିବାକୁ ଯାଉଛି । ତେବେ ଏହି ଫିଲ୍ମରେ ସୈଫ ଅଲ୍ଲି ଖାନ ଏବଂ ଆମୀର ଖାନ ମୁଖ୍ୟ ଭୂମିକାରେ ଅଭିନୟ କରୁଥିବା ଦେଖିବାକୁ ମିଳିବ।

ରେମ୍ବୋ

ଏହା ଏକ ବ୍ଲକବଷ୍ଟର ହଲିଉଡ ଫିଲ୍ମର ରିମେକ୍ ହେବ । ଟାଇଗର ସ୍ରଫଙ୍କ ଅଭିନୀତ ଫିଲ୍ମ ରାମ୍ବୋ ଗତ ବର୍ଷେ ହେବ ଚର୍ଚ୍ଚାରେ ରହିଆସିଛି । ସିଲବେଷ୍ଟରଙ୍କ ଭୂମିକାରେ ଟାଇଗର ନଜର ଆସିବେ । ଫିଲ୍ମର ପୋଷ୍ଟର ରିଲିଜ ହେବା ପରଠାରୁ ପ୍ରଶଂସକମାନେ ଏହି ଫିଲ୍ମକୁ ଅପେକ୍ଷା କରି ରହିଛନ୍ତି।

ତଡପ୍

ସାଉଥ୍ ଫିଲ୍ମ RX100 ହିନ୍ଦୀ ଫିଲ୍ମ ତଡପ୍ ନାଁରେ ନିର୍ମାଣ ହେବ । ତେବେ ଫିଲ୍ମର କାହାଣୀ ସମାନ ରହିବ । ମିଲାନ ଲୁଥ୍ରିଆ ନିର୍ଦ୍ଦେଶନାରେ ନିର୍ମିତ ହେବାକୁ ଥିବା ବେଳେ ଏହି ଫିଲ୍ମରେ ଏହି କାହାଣୀ ଲେଖିଛନ୍ତି ରଜତ ଆରୋରା । ସୁନୀଲ ଶେଟ୍ଟୀଙ୍କ ପୁଅ ଆହାନ ଶେଟ୍ଟୀ ରିମେକ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ।

 ଦି ଇଣ୍ଟର୍ନ

ଏହା ମଧ୍ୟ ଏକ ରିମେକ୍ ଫିଲ୍ମ ହେବ ଯାହାର ଚର୍ଚ୍ଚା କ୍ରମାଗତ ଭାବରେ ଚାଲିଛି । ମୂଳ ଫିଲ୍ମର କାହାଣୀ ହେଉଛି ପ୍ରାୟ ୭୦ବର୍ଷ ବୟସ୍କା ବିଧବା ମହିଳା ଯିଏ କାମରୁ ଫେରି ଇଣ୍ଟର୍ନ ଭାବରେ କାର୍ଯ୍ୟ ଆରମ୍ଭ କରିବାକୁ ଚାହୁଁଛନ୍ତି । ଏହି କାହାଣୀ ପାଇଁ ଦୀପିକା ପାଦୁକୋନ ଏବଂ ଋଷି କପୁରଙ୍କୁ ମନୋନୀତ କରାଯାଇଥିଲା କିନ୍ତୁ ଋଷି କପୁର ଏହି ଫିଲ୍ମ କରିବେ କି ନାହିଁ ସେନେଇ ସନ୍ଦେହ ସୃଷ୍ଟି ହୋଇଛି । ଏବେ ଦେଖିବାକୁ ପଡ଼ିବ ଯେ ଋଷି କପୁରଙ୍କ ସ୍ଥାନରେ କିଏ ଅଭିନୟ କରିବାକୁ ଯାଉଛନ୍ତି ।

ପ୍ରିୟ ସାଥୀ

୨୦୧୯ ମସିହାରେ, ଧର୍ମ ପ୍ରଡକ୍ସନ୍ ଏହି ସାଉଥ ସୁପରହିଟ୍ ଫିଲ୍ମର ରିମେକ୍ କରିବାକୁ ସେ ଅଧିକାର କିଣିଥିଲା ​ । ତେବେ, କରୋନା କାରଣରୁ ୨୦୨୦ ଅତ୍ୟନ୍ତ ଖରାପ ଥିଲା ଏବଂ ଏହି ଫିଲ୍ମରେ କୌଣସି କାମ ହୋଇପାରିବ ନାହିଁ । ଧର୍ମ ପ୍ରଡକ୍ସନ୍ ୨୦୨୧ରେ ଏହି ଫିଲ୍ମର ହିନ୍ଦୀ ରିମେକ୍ ହେବ ବୋଲି ଆଶା କରାଯାଉଛି ।