ଲକ୍ଡାଉନ୍ ଯୋଗୁଁ ଅଟକିଲା ସ୍ଥାନାନ୍ତର: ଏବେ ମଧ୍ୟପ୍ରଦେଶ ଯିବ ନାହିଁ ‘ସୁନ୍ଦରୀ’
ଭୁବନେଶ୍ୱର: ମଣିଷଖିଆ ବାଘୁଣୀ ସୁନ୍ଦରୀର ସ୍ଥାନାନ୍ତର ପ୍ରକିୟାକୁ ପ୍ରଭାବିତ କରିଛି ଲକ୍ଡାଉନ୍ । ବର୍ତ୍ତମାନ ପାଇଁ ସେ ମଧ୍ୟପ୍ରଦେଶ ଯିବ ନାହିଁ ବୋଲି ହରିଶଙ୍କର ଉପାଧ୍ୟାୟ, ପିସିସିଏଫ୍ ଓ୍ୱାଇଲ୍ଡଲାଇଫ୍ ସୂଚନା ଦେଇଛନ୍ତି। ତେବେ ସୁନ୍ଦରୀ ସଂପୂର୍ଣ୍ଣ ସୁସ୍ଥ ଅଛି। ସେହିପରି ଲକଡାଉନ୍ ସମୟରେ ଖାଦ୍ୟ ସନ୍ଧାନରେ ହାତୀ ଓ ମଣିଷ ମୁହାଁମୁହିଁ ହେଉଛନ୍ତି। ଗତ ଏକ ମାସ ମଧରେ ୯ ଜଣ ଲୋକଙ୍କ ଦନ୍ତା ଦଳି ଦେଇଥିବା ରିପୋର୍ଟ ହୋଇଛି।
ମଧ୍ୟପ୍ରଦେଶ ଯିବ ସୁନ୍ଦରୀ। ହେଲେ କେବେ? ମଣିଷଖିଆ ବାଘୁଣୀର ମଧ୍ୟପ୍ରଦେଶ ଫେରିବାର ବାଟରେ ଲକଡାଉନ୍ର କଣ୍ଟା। ତା ସ୍ୱାସ୍ଥ୍ୟ ପରୀକ୍ଷା କରି ମଧ୍ୟପ୍ରଦେଶ ଫେରିଛନ୍ତି ପ୍ରାଣୀ ଚିକିତ୍ସକ ଦଳ। ହେଲେ ତିନି ତିନି ଥର ଲକଡାଉନ୍ ଯୋଗୁ ସୁନ୍ଦରୀକୁ ନେବା ପାଇଁ ଆସି ପାରୁ ନାହାନ୍ତି। ଯେଉଁଥି ପାଇଁ ତାକୁ ଆହୁରି କିଛି ଦିନ ସାତକୋଶିଆରେ ରହିବାକୁ ହେବ। ରାଜ୍ୟରେ ବାଘ ସଂଖ୍ୟା ବୃଦ୍ଧି ପାଇଁ ସୁନ୍ଦରୀକୁ ବାନ୍ଧଭଗଡ଼ରୁ ଅଣାଯାଇଥିଲା। ବାଘ ବଂଶ ବୃଦ୍ଧି ବଦଳରେ ମଣିଷ ସଂଖ୍ୟା ହ୍ର।ସ କରିବାରେ ଲାଗିଲା ସୁନ୍ଦରୀ। ଦୁଇ ଦୁଇ ଜଣଙ୍କୁ ମାରି ପକାଇଲା ଏହି ମଣିଷଖିଆ। ବାଘୁଣୀକୁ ଆଠମଲ୍ଲିକ ଲୋକ ବିରୋଧ କରିବା ପରେ ତାକୁ ଏକ ସ୍ୱତନ୍ତ୍ର ଜନ୍ତାରେ ରଖାଯାଇ ମଧ୍ୟପ୍ରଦେଶ ଫେରାଇବାକୁ ଯ଼ୋଜନା କରାଯାଇଥିଲା। ହେଲେ ଲକଡାଉନ୍ ପାଇଁ ସୁନ୍ଦରୀ ବି ରାଜ୍ୟ ଛାଡ଼ି ପାରୁ ନାହିଁ।
