ଓଡ଼ିଶା ମୋ ପରିବାର ତରଫରୁ ବାଲେଶ୍ୱରରେ ରିଲିଫ୍ ବଣ୍ଟନ

ବାଲେଶ୍ୱର: କେହି ବି ଭୋକରେ ରହିବେ ନାହିଁ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ଆହ୍ୱାନକୁ ସଫଳ କରିବାକୁ ଓଡ଼ିଶା ମୋ ପରିବାର ତରଫରୁ ବାଲେଶ୍ୱରରେ ରିଲିଫ୍ ବଣ୍ଟନ କରାଯାଉଛି। ବିଜେଡିର ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ନେତୃତ୍ୱରେ ବାତ୍ୟା ବିପନ୍ନଙ୍କୁ ରିଲିଫ୍ ସାମଗ୍ରୀ ଦିଆଯାଇଛି। ମନ୍ତ୍ରୀ ଦିବ୍ୟଶଙ୍କର ମିଶ୍ର, ଜ୍ୟୋତିପ୍ରକାଶ ପାଣିଗ୍ରାହୀ, ପୂର୍ବତନ ସାଂସଦ ରବୀନ୍ଦ୍ର କୁମାର ଜେନାଙ୍କ ସମେତ ଜିଲ୍ଲାର ସମସ୍ତ ବିଧାୟକ ବାଲେଶ୍ୱର ଜିଲ୍ଲାର ବାତ୍ୟା ପ୍ରଭାବିତ ଅଞ୍ଚଳ ବୁଲି ବିପନ୍ନଙ୍କ ସହିତ ଆଲୋଚାନ କରିଛନ୍ତି ଓ ରିଲିଫ ସାମଗ୍ରୀ ପ୍ରଦାନ କରିଛନ୍ତି। ଭୋଗରାଇ, ବାଲିଆପାଳ, ରେମୁଣା, ବାଲେଶ୍ୱର, ବାହାନଗା ପ୍ରଭୃତି ପଞ୍ଚାୟତର ୬୦ ହଜାର ବାତ୍ୟା ପ୍ରଭାବିତଙ୍କୁ ପ୍ରଥମ ପର୍ଯାୟରେ ରିଲିଫ ବଣ୍ଟନ କରାଯାଇଛି। ପ୍ରତି ସପ୍ତାହରେ ଏହିପରି ରିଲିଫ୍ ବଣ୍ଟନ କରାଯିବ। ବାଲେଶ୍ୱର ଜିଲ୍ଲାର ମୋଟ ୧୮ଲକ୍ଷ ୯ହଜାର ୯୮୩ ଜଣ ବାତ୍ୟା ପ୍ରଭାବିତଙ୍କୁ ଓଡ଼ିଶା ମୋ ପରିବାର ତରଫରୁ ରିଲିଫ ପ୍ରଦାନ କରାଯିବ ବୋଲି ବିଧାୟକ ସ୍ୱରୂପ ଦାସ କହିଛନ୍ତି।