ଫେସବୁକ ପରେ ଜିଓ ଡାଉନ୍ ,ଅନେକଙ୍କ ଫୋନରୁ ନେଟୱର୍କ ସାଇନ୍ ଗାଏବ
1 min read
ମୁମ୍ବାଇ: ଫେସବୁକ ଓ ହ୍ୱାଟସଆପ୍ ଡାଉନ୍ ହେବାର ଦୁଇ ଦିନ ପରେ ବୁଧବାର ରିଲାଏନ୍ସ ଜିଓର ସର୍ଭିସ ଡାଉନ୍ ହୋଇଛି । ଟ୍ୱିଟରରେ ଜିଓଡାଉନ୍ ଟ୍ରେଣ୍ଡ୍ କରୁଥିବା ବେଳେ ଇଣ୍ଟରନେଟ୍ ଆଉଟରେଜକୁ ଟ୍ରାକ୍ କରୁଥିବା downdetector ସାଇଟ୍ ମଧ୍ୟ ଏହି ଖବରକୁ ସ୍ୱୀକାର କରିଛି । ଡିଟେକ୍ଟର ଅନୁସାରେ ଜିଓ ଡାଉନକୁ ନେଇ ଏପର୍ଯ୍ୟନ୍ତ ୪ ହଜାର ରିପୋର୍ଟ ଆସି ସାରିଛି ।
ଏହି ସାଇଟ୍ ଅନୁସାରେ ଜିଓ ସହିତ ଏହି ସମସ୍ୟା ବୁଧବାର ସକାଳ ୯.୩୦ ମିନିଟରୁ ଆରମ୍ଭ ହୋଇଥିଲା । ଯାହା ଦୁଇ ଘଣ୍ଟା ପରେ ଚରମରେ ପହଞ୍ଚିଥିଲା । DownDetectorରେ ଜିଓକୁ ନେଇ ଆସୁଥିବା ଇସ୍ୟରୁ ବୃଦ୍ଧି ଘଟିଛି । ଯେଉଁଥିରୁ ଜଣା ପଡୁଛି ଯେ, ଏହାର କନେକ୍ଟିଭିଟିରେ ସମସ୍ୟା ଆସୁଛି । ଅଧା ରିପୋର୍ଟରେ ଫୋନରେ ଜିଓ ନେଟୱର୍କ ନଥିବା କୁହାଯାଉଛି । ରିପୋର୍ଟ ଅନୁସାରେ ମୁମ୍ବାଇ,ଦିଲ୍ଲୀ,ରାୟପୁର,ବାଙ୍ଗାଲୁରୁ ଓ ଇନ୍ଦୋରର ଜିଓ ଉପଭୋକ୍ତ ଏହି ସମସ୍ୟାର ସମ୍ମୁଖୀନ ହୋଇଛନ୍ତି ।
