ଅମିତାଭ ବଚ୍ଚନଙ୍କ ନାତିକୁ କୋଳେଇଲେ ରେଖା

ନନ୍ଦିଘୋଷ ବ୍ୟୁରୋ: ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟଙ୍କୁ କୋଳେଇଲେ ଅଭିନେତ୍ରୀ ରେଖା । ହାତଯୋଡ଼ି ନମସ୍କାର କଲେ ଅଗସ୍ତ୍ୟ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ରାଜ କପୁରଙ୍କ ୧୦୦ତମ ଜୟନ୍ତୀ ଅବସରରେ କପୁର ପରିବାର ପକ୍ଷରୁ ଏକ ଫିଲ୍ମ ଫେଷ୍ଟିଭାଲର ଆୟୋଜନ କରିଛି । ଯେଉଁଥିରେ ବଲିଉଡର ବହୁ ଜଣାଶୁଣା କଳାକାରଙ୍କଠାରୁ ଆରମ୍ଭ କରି ମାନ୍ୟଗଣ୍ୟ ବ୍ୟକ୍ତିବିଶେଷ ଯୋଗ ଦେଇଛନ୍ତି । ଏହି ଅବସରରେ ଅଭିନେତ୍ରୀ ରେଖା ମଧ୍ୟ ଯୋଗ ଦେଇଛନ୍ତି । ଏକ ସ୍ବତନ୍ତ୍ର ଶୈଳୀରେ ପୋଷାକ ପିନ୍ଧି ରେଖା ଏହି କାର୍ଯ୍ୟକ୍ରମରେ ନଜର ଆସିଥିଲେ । ଏହି ଅବସରରେ ଅମିତାଭଙ୍କ ନାତି ଅଗସ୍ତ୍ୟ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଆଉ ଅଗସ୍ତ୍ୟଙ୍କୁ ଦେଖିବା ପରେ ରେଖା ତାଙ୍କୁ କୋଳେଇ ନେଇଥିଲେ । ଅଗସ୍ତ୍ୟ ମଧ୍ୟ ସମ୍ମାନ ଜଣାଇ ତାଙ୍କୁ ନମସ୍କାର କରିଥିଲେ । ଅନ୍ୟପଟେ ରାଜ କପୁରଙ୍କ ପୋଷ୍ଟରକୁ ଦେଖି ରେଖା ଭାବପ୍ରବଣ ହୋଇଥିଲେ । ୧୩ ତାରିଖରୁ ଆରମ୍ଭ ହୋଇ ଏହି ଫେଷ୍ଟିଭାଲ ୧୫ ପର୍ଯ୍ୟନ୍ତ ଚାଲିବ ।