ରେଢାଖୋଲରେ ବିଜେପିରେ ଅସନ୍ତୋଷ, ଦେବେନ୍ଦ୍ର ମହାପାତ୍ରଙ୍କ ପ୍ରାର୍ଥୀତ୍ବକୁ ବିରୋଧ

ରେଢ଼ାଖୋଲ: ଟିକେଟ ଘୋଷଣା ପରେ ବିଜେପିରେ ବିବାଦ। ରେଢାଖୋଲରେ ବିଜେପି କାର୍ଯ୍ୟାଳୟ ଆଗରେ ଧାରଣା ଦେଲେ ବିଜେପି କର୍ମୀ। ଆଶାୟୀ ପ୍ରାର୍ଥୀ ଗୋବିନ୍ଦ ଅଗ୍ରୱାଲ ଦୀର୍ଘ ଦିନ ଧରି ବିଜେପି ପାଇଁ କାମ କରି ଲୋକପ୍ରିୟତା ସାଉଁଟିଥିଲେ। କିନ୍ତୁ ଦଳ ତାଙ୍କୁ ଟିକେଟ ଦେବା ବଦଳରେ ଦେବେନ୍ଦ୍ର ମହାପାତ୍ରଙ୍କୁ ଟିକେଟ ଦେଇଛି। ଯାହାକୁ ନେଇ କ୍ଷୋଭ ପ୍ରକାଶ କରିବା ସହ ବିଜେପି କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି ବିଜେପି କର୍ମୀ। ଯେପର୍ଯ୍ୟନ୍ତ ରେଢାଖୋଲର ପ୍ରାର୍ଥୀ ପରିବର୍ତ୍ତନ କରାଯାଇନି ସେ ପର୍ଯ୍ୟନ୍ତ ଧାରଣା ଜାରି ରହିବ ବୋଲି ଚେତାବନୀ ଦିଆଯାଇଛି। ଦେବେନ୍ଦ୍ର ମହାପାତ୍ରଙ୍କୁ ପ୍ରାର୍ଥୀ ପରିବର୍ତ୍ତନ କରାଯାଇ ଗୋବିନ୍ଦ ଅଗ୍ରୱାଲଙ୍କୁ ତୁରନ୍ତ ଟିକେଟ ଦେବାକୁ ଦାବି କରିଛନ୍ତି ଗୋବିନ୍ଦଙ୍କ ସମର୍ଥକ।