ବଲାଙ୍ଗୀରରେ ନକଲି କପଡ଼ା ଗୋଦାମରେ ରେଡ୍, ୪୫ ଲକ୍ଷ ଟଙ୍କାର ନକଲି ବ୍ରାଣ୍ଡେଡର ପୋଷାକ ଜବତ

ବଲାଙ୍ଗୀର: ବଲାଙ୍ଗୀର ଲଖାନି ନ୍ୟୁ ଗାରମେଣ୍ଟ କପଡା ଗୋଦାମରେ ଚାଲିଥିଲା ନକଲି ସାମଗ୍ରୀ କାରବାର । ଚଢାଉ କରି ପାଖାପାଖି ୪୫ ଲକ୍ଷ ଟଙ୍କାର ନକଲି ବ୍ରାଣ୍ଡେଡର ପୋଷାକ ଜବତ କରିଛି ବଲାଙ୍ଗୀର ପୋଲିସ । ଗତକାଲି ରାତିରେ ବଲାଙ୍ଗୀର ଟାଉନ ଥାନା ପୋଲିସ ଚଢ଼ାଉ କରି ନକଲି ସାମଗ୍ରୀ ଜବତ କରିଛି । କିଛି ବ୍ରାଣ୍ଡେଡ୍ କମ୍ପାନୀ ତରଫରୁ ଏନେଇ ଅଭିଯୋଗ ପରେ ରେଡ୍ କରିଥିଲା ପୋଲିସ । ମାମଲାରେ ମୁଖ୍ୟ ଅଭିଯୁକ୍ତ ରାଜେଶ କୁମାର ଲଖାନିକୁ ହେପାଜତକୁ ନେଲା ତଦନ୍ତ କରୁଛି ପୋଲିସ ।