ଉତ୍ତରପ୍ରଦେଶର ଏହି ଗାଁରେ ଶତ ପ୍ରତିଶତ ମତଦାନ ପାଇଁ ବେଙ୍ଗାଲୁରୁରୁ ଜଣେ ଭୋଟରଙ୍କୁ ବିମାନରେ ଆଣିଲା ଜିଲ୍ଲା ପ୍ରଶାସନ !

ନନ୍ଦିଘୋଷ ବ୍ୟୁରୋ: ଦେଶରେ ଚାଲିଛି ଗଣତନ୍ତ୍ରର ମହାପର୍ବ । ୭ଟି ପର୍ଯ୍ୟାୟରୁ ୫ଟି ପର୍ଯ୍ୟାୟ ମତଦାନ ସରିଛି । ତେବେ ପଞ୍ଚମ ପର୍ଯ୍ୟାୟ ମତଦାନ ସମୟରେ ସାମନାକୁ ଆସିଛି ଏକ ରୋଚକ ଖବର । ଶହେ ପ୍ରତିଶତ ଭୋଟ ପାଇଁ ଜଣେ ଭୋଟର କମ ପଡ଼ିଥିବାବେଳେ ପ୍ରଶାସନ ପକ୍ଷରୁ ଖର୍ଚ୍ଚ କରି ତାଙ୍କୁ ଅଣାଯାଇଥିବା ଖବର ସାମନାକୁ ଆସିଛି । ବାଙ୍ଗାଲୋରରୁ ଭୋଟର ଜଣକ ବିମାନରେ ଆସିଥିଲେ ଏବଂ ପରେ ଗାଡ଼ିରେ ଆସି ମତଦାନ କେନ୍ଦ୍ରରେ ପହଞ୍ଚିଥିଲେ । ଉତ୍ତପ୍ରଦେଶର ଲଳିତପୁର ଜିଲ୍ଲାର ମଡ଼ାବରା ଗାଁରେ ଏଭଳି ରେକର୍ଡ ଭୋଟିଂ ହୋଇଛି । ସୋଲଦା ଗାଁର ୨୭୭ ନମ୍ବର ବୁଥରେ ଦିନ ୧ଟା ସୁଦ୍ଧା ୧୦୦ ପ୍ରତିଶତ ମତଦାନ ହୋଇଥିଲା । ତେବେ ଜଣେ ଭୋଟର ବାଙ୍ଗାଲୋରରେ ରହି ଯାଇଥିଲେ । ସେ ଆସିବା ପରେ ଶହେ ପ୍ରତିଶତ ହେବା ସହ ରେକର୍ଡ ହେବାକ ପାଇଁ ପ୍ରଶାସନ ପକ୍ଷରୁ ତାଙ୍କୁ ଅଣା ଯାଇଥିଲା ।