ଆରପାରିରେ ବାହୁବଲୀଙ୍କ ବଡବାପା କୃଷ୍ଣମ ରାଜୁ

ହାଇଦ୍ରାବାଦ: ଆରପାରିରେ ବାହୁବଲୀଙ୍କ ବଡବାପା କୃଷ୍ଣମ ରାଜୁ  । ୮୨ ବର୍ଷ ବୟସରେ ଦୁନିଆକୁ ଅଲବିଦା କହିଛନ୍ତି ରାଜୁ  । ଦୀର୍ଘଦିନ ଧରି ସ୍ବାସ୍ଥ୍ୟ ସମ୍ବନ୍ଧୀୟ ସମସ୍ୟା ସହ ଲଢେଇ କରି ହାରି ଯାଇଛନ୍ତି ତେଲୁଗୁ ଇଣ୍ଡଷ୍ଟ୍ରିର ରିବେଲ ଷ୍ଟାର  । ତାଙ୍କ ମୃତ୍ୟୁରେ ଦକ୍ଷିଣ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି । ବଡବାପାଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁ ନାହାନ୍ତି ସାଉଥ ସୁପରଷ୍ଟାର ପ୍ରଭାସ । ରିବେଲ, ରାଧେଶ୍ୟାମ, ବିଲ୍ଲା ଦ ଡନ୍‌, ଦ ରିଟର୍ଣ୍ଣ ଅଫ ରିବେଲ ୨ ଆଦି ପ୍ରଭାସ ଓ ରାଜୁଙ୍କ ଯୋଡିକୁ ଦର୍ଶକ ବେଶ ପସନ୍ଦ କରିଥିଲେ  ।

ଶୁଣିବାକୁ ମିଳୁଛି ଯେ ପ୍ରଭାସ ତାଙ୍କ ବଡବାପା କୃଷ୍ଣ ରାଜୁଙ୍କ ଅତି ନିକଟତର ଥିଲେ  । ଗତକାଲି ରାତିରେ ରାଜୁ ଅସୁସ୍ଥ ଅନୁଭବ କରିଥିଲେ  । ବିଳମ୍ବିତ ରାତିରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା  । ହେଲେ ଆଜି ସକାଳୁ ତାଙ୍କ ପରଲୋକ ଘଟିଛି । ଜୀବନ ଯୁଦ୍ଧରେ ହାରିଯିବା ସହ ପତ୍ନୀ ଓ ତିନି ଝିଅଙ୍କୁ ଏକାକୀ ଛାଡି ଚାଲିଗଲେ ରାଜୁ  ।

ପାଞ୍ଚ ଦଶକ ଧରି ଅଭିନୟ ଦୁନିଆରେ ସେ ଦମ୍‌ ଦଖାଇ ଆସିଛନ୍ତି  । ୧୮୩ରୁ ଊର୍ଦ୍ଧ୍ବ ଫିଲ୍ମରେ କାମ କରିଥିବା ରାଜୁଙ୍କୁ ଶେଷ ଥର ପାଇଁ ପ୍ରଭାସଙ୍କ ସହ ଫିଲ୍ମ ରାଧେଶ୍ୟାମରେ  ଦେଖିବାକୁ ମିଳିଥିଲା  । ଅଭିନୟ ବ୍ୟତୀତ ରାଜନୀତିରେ ବି ସକ୍ରିୟ ଥିଲେ କୃଷ୍ଣମ ରାଜୁ  । ତିନି ରାଜ୍ୟର ନନ୍ଦି ଆୱାର୍ଡ ଓ ଦକ୍ଷିଣ ଭାରତର ୫ ଫିଲ୍ମଫେୟାର ସେ ଆୱାର୍ଡ ଜିତିଛନ୍ତି  । ସେହିପରି ୧୯୯୮ ରୁ ୨୦୦୨ ପର୍ଯ୍ୟନ୍ତ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସରକାରରେ ମନ୍ତ୍ରୀ ରହି ଆସିଛନ୍ତି କୃଷ୍ଣମ ରାଜୁ  ।