ଭାରତ ପାଇଁ ସୀମାରେ ପାକିସ୍ତାନ, ଚୀନ୍ ବିପଦ ସୃଷ୍ଟି କରିପାରନ୍ତି : ବାୟୁସେନା ମୁଖ୍ୟ

ନୂଆଦିଲ୍ଲୀ: ଭାରତୀୟ ବାୟୁସେନାର ମୁଖ୍ୟ ଭି ଆର ଚୌଧୁରୀ ଭାରତର ସୁରକ୍ଷାକୁ ନେଇ ବଡ ବୟାନ ଦେଇଛନ୍ତି । ସେ କହିଛନ୍ତି ଭାରତକୁ ପଶ୍ଚିମ ଏବଂ ଉତ୍ତର ସୀମାରେ ଉପୁଜିଥିବା ସ୍ଥିତିକୁ ଦୁଇଟି ଭାଗରେ ଦେଖିବାର ଆବଶ୍ୟକ ଏବଂ ଏହାର ଅନୂରୁପ କାର୍ଯ୍ୟ କରାଯିବା ଆବଶ୍ୟକ  । ଭବିଷ୍ୟତରେ ଭାରତ ଉପରେ ସବୁ ଦିଗରୁ ଆକ୍ରମଣ ହୋଇପାରେ, ଯେଉଁଥିରେ ସୈନ୍ୟ ଅଚଳାବସ୍ଥାଟୁ ଆରମ୍ଭ କରି ମିଥ୍ୟା ପ୍ରଚାର ଏବଂ ବ୍ଲାକଆଉଟ୍ ପର୍ଯ୍ୟନ୍ତ ସାମିଲ ଅଛି  । ଏପରି ସ୍ଥିତିରେ ଭାରତର ସୁରକ୍ଷା ସିଦ୍ଧାନ୍ତ ଏବଂ କ୍ଷମତାକୁ ଏହି ସବୁ ଆଶଙ୍କାର ମୁକାବିଲା କରିବାରେ ସଶକ୍ତ କରାଯିବାର ଆବଶ୍ୟକ  । ସେ ଏହି କଥା ଚୀନ ଏବଂ ପାକିସ୍ତାନର ଦ୍ୱିବିଧ ସୈନ୍ୟ ବିପଦରୁ ଉତ୍ପନ୍ନ ହେବାକୁ ଥିବା ସମ୍ଭାବିତ ଚ୍ୟାଲେଞ୍ଜକୁ ଦୃଷ୍ଟିରେ ରଖି କହିଛନ୍ତି  ।

ବାୟୁସେନା ମୁଖିଆ ଏକ ଜାତୀୟ ଖବର ସରବରାହ ସଂସ୍ଥାକୁ ସ୍ୱତନ୍ତ୍ର ସାକ୍ଷାତକାରରେ କହିଛନ୍ତି ଭବିଷ୍ୟତରେ ଭାରତ ଉପରେ ସବୁ ପଟୁ ଆକ୍ରମଣ ହୋଇପାରେ  । ଏପରି ସ୍ଥିତିରେ ଭାରତର ସୁରକ୍ଷା ସିଦ୍ଧାନ୍ତ ଏବଂ କ୍ଷମତାକୁ ସଶକ୍ତ କରାଯାଇ ଏହି ସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିବାକୁ ପଡିବ  । ସେ ଆଗକୁ କହିଥିଲେ, ଏକ ରାଷ୍ଟ୍ର ଭାବେ ଆମେ ନିଜର ବର୍ତ୍ତମାନର ସ୍ଥିତି ଏବଂ ଭବିଷ୍ୟତର ବିପଦକୁ ଚିହ୍ନଟ କରିବାର ଆବଶ୍ୟକ ରହିଛି । ଯାହାଫଳରେ ଏଗୁଡିକର ମୁକାବିଲା କରିବା ପାଇଁ ଶକ୍ତିର ବିକାଶ କରାଯାଇ ପାରିବ  । ସେ କହିଥିଲେ ଆମ ସମ୍ମୁଖରେ ପଶ୍ଚିମ ଏବଂ ଉତ୍ତର ସୀମାରେ କିଛି ଚ୍ୟାଲେଞ୍ଜ ରହିଛି  । ଏପରି ସ୍ଥିତିରେ ଭାରତ ପାଇଁ ଗୁରୁତ୍ୱପୂର୍ଣ୍ଣ ହେଉଛି ସେ ଦୁଇଟି ଅସ୍ଥିର ସୀମାକୁ ଦୁଇଟି ଆକସ୍ମିକ ଯୁଦ୍ଧକ୍ଷେତ୍ର ଭାବେଦେଖୁ ଏବଂ ଏହାର ଅନୁସାରେ ପ୍ରସ୍ତୁତି କରୁ  । ଆମର ଦୁଇ ପାରମ୍ପରିକ ଶତ୍ରୁ ପାକିସ୍ତାନ ଏବଂ ଚୀନ ଲଗାତାର ଭାରତୀୟ ସୀମାରେ ସୈନ୍ୟ ଗିତିବିଧି ବଢାଇ ଚାଲିଛନ୍ତି ।

ବାୟୁସେନା ଏଭଳି ଆହ୍ୱାନ ସହ ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରିଦେଇଛି  । ପୂର୍ବରୁ ମଧ୍ୟ ପୂର୍ବତନ ସିଡିଏସ ଦିବଙ୍ଗତ ବିପିନ ରାୱତ ଏବଂ ପୂର୍ବତନ ସେନାଧ୍ୟକ୍ଷ ଏମଏମ ନରଭାଣେ ଏହି ଦୁଇ ସୀମାକୁ ନେଇ ଚିନ୍ତା ପ୍ରକଟ କରିଥିଲେ  । ଦୀର୍ଘକାଳୀନ ଆଭିମୁଖ୍ୟ ଆପଣାଇବା ଏବଂ ବର୍ତ୍ତମାନ ସ୍ଥିତିର ଆଧାରରେ ବିପଦର ଆକଳନ କରିବା ପରିବର୍ତ୍ତେ ଶତ୍ରୁ ବଳର ପ୍ରସ୍ତୁତି ଦ୍ୱାରା ଆମର ରାଷ୍ଟ୍ରୀୟ ସୁରକ୍ଷା ଉପରେ ପଡିବାକୁ ଥିବା ପ୍ରଭାବକୁ ଆକଳନ କରିବାର ଆବଶ୍ୟକ ରହିଛି  । ବାୟୁସେନା ମୁଖିଆ ଶ୍ରୀ ଚୌଧୁରୀ ଭରସା ଦେଇଛନ୍ତି ଯେ ଭାରତୀୟ ସଶସ୍ତ୍ର ବଳ ପାଖରେ ସୀମାରେ କୌଣସି ବି ଦୁଃସାହସିକର ମୁକାବିଲା କରିବା ପାଇଁ ପର୍ଯ୍ୟାପ୍ତ ପ୍ରତିରୋଧ କ୍ଷମତା ରହିଛି  । ଚୀନ୍ ଏଲଏସି ପାଖରେ ନିଜ ସୈନ୍ୟ ଶକ୍ତି ବୃଦ୍ଧି କରୁଛି  । ତେଣୁ ଆମେ ସଦାସର୍ବଦା ଏଭଳି ସ୍ଥିତି ପାଇଁ ପ୍ରସ୍ତୁତ ଅଛୁ  । ଚିନୁକ ହେଲିକପ୍ଟରର ପରିଚାଳନା ପୂର୍ବରୁ ନିର୍ଦ୍ଧାରିତ ଦୁଇଟି ସ୍ଥାନରେ ଆରମ୍ଭ ହୋଇସାରିଛି ଏବଂ ଅନ୍ୟ ସ୍ଥାନରେ ଭିତ୍ତିଭୂମି ବିକାଶର କାର୍ଯ୍ୟ ସରିବା ଉପରେ  । ରାଫେଲ ସ୍କ୍ୱାଡ୍ରନ ପାଇଁ ଭିତ୍ତିଭୂମି ନିର୍ମାଣ ଏବଂ ପରିଚାଳନା କ୍ଷମତ ସମ୍ପନ୍ନ ହୋଇ ସାରିଛି ।