ଭିନ୍ନକ୍ଷମଙ୍କୁ ଯୌନ ନିର୍ଯାତନା ପ୍ରସଙ୍ଗ, ଭିଡିଓ ଯାଞ୍ଚ ପରେ ଦୋଷୀ ବିରୋଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ

ଭୁବନେଶ୍ୱର: ଭୁବନେଶ୍ୱରରେ ଭିନ୍ନକ୍ଷମଙ୍କୁ ଯୌନ ନିର୍ଯାତନା ପ୍ରସଙ୍ଗ। ପ୍ରତିକ୍ରିୟା ରଖିଲେ ଭିନ୍ନକ୍ଷମ କମିଶନ ଅଧ୍ୟକ୍ଷା ସୁଲୋଚନା ଦାସ। ଘଟଣା ପଦାକୁ ଆସିବା ପରେ, ନିଜ ଆଡୁ ମାମଲା ରୁଜୁ କରି ତଦନ୍ତ ନିର୍ଦେଶ ଦେଲେ କମିଶନ। ଆସନ୍ତାକାଲି ଘଟଣାସ୍ଥଳକୁ ଯାଇ ତଦନ୍ତ କରିବ ଭିନ୍ନକ୍ଷମ କମିଶନ। ଭିଡିଓରେ କଣ ରହିଛି, ଅଭିଯୋଗକାରୀଙ୍କ ବୟାନ ରେକର୍ଡ କରିବା ସହ, ଅଭିଯୁକ୍ତଙ୍କୁ ତଦନ୍ତ ଘେରକୁ ଅଣାଯିବ ବୋଲି କହିଛନ୍ତି ଭିନ୍ନକ୍ଷମ କମିଶନ ଅଧ୍ୟକ୍ଷା। ଯିଏ ଦୋଷୀ ଦଣ୍ଡ ପାଇବେ ବୋଲି ସେ କହିଛନ୍ତି। ଏହା ଅତ୍ୟନ୍ତ ଲଜ୍ୟାଜନକ କଥା ହେବା ସହ ଏହା ଉପରେ ଦୃଢ଼ କାର୍ଯ୍ୟାନୁଷ୍ଠାନ କରାଯିବ। ସେପଟେ ଏନେଇ କମିଶନଙ୍କ ପାଖରେ କେହି ଅଭିଯୋଗ କରିନାହାନ୍ତି। ସୋମୋଟ ଭାବରେ ଘଟଣାକୁ ଗ୍ରହଣ କରିଛନ୍ତି କମିଶନ। ଭିନ୍ନକ୍ଷମଙ୍କୁ ଶୋଷଣ କରିବାରେ କାହାର ଅଧିକାର ନାହିଁ। ତେବେ ଭିଡ଼ିଓକୁ କମିଶନ ତର୍ଜମା କରି ନିଶ୍ଚିତ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି କମିଶନ ଅଧ୍ୟକ୍ଷା ସୁଲୋଚନା ଦାସ। ଦିବ୍ୟାଙ୍ଗଙ୍କ ସୁରକ୍ଷା କମିଶନଙ୍କ ଦାଇତ୍ୱ ବୋଲି କହିଲେ କମିଶନ ଅଧ୍ୟକ୍ଷା।