ରିୟାଙ୍କ ବିରୋଧରେ FIR ଦାଖଲ ପରେ କ୍ରୋଧ ପ୍ରକାଶ କଲେ ପ୍ରଶଂସକ, ବିଭିନ୍ନ ମହଲରୁ ଟ୍ରୋଲ
1 min read
ମୁମ୍ବାଇ: ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ମଙ୍ଗଳବାର ସନ୍ଧ୍ୟାରେ ଏକ ବଡ଼ ଟ୍ୱିଷ୍ଟ ସାମ୍ନାକୁ ଆସିଛି । ସୁଶାନ୍ତଙ୍କ ବାପା ଅଭିନେତାଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ବିରୋଧରେ ଏଫଆଇଆର ଦାଖଲ କରି ଗମ୍ଭୀର ଅଭିଯୋଗ ଆଣିଛନ୍ତି । ବ୍ଲାକମେଲିଂ ଠାରୁ ଆରମ୍ଭ କରି ମାନସିକ ପ୍ରତାଡ଼ନା ପର୍ଯ୍ୟନ୍ତ ଅନେକ ପ୍ରକାର ଅଭିଯୋଗ ରିୟା ବିରୋଧରେ ଆସିଛି ।
ଏବେ ସୁଶାନ୍ତଙ୍କ ଫ୍ୟାନ୍ସ ସାସିଆଲ ମିଡିଆରେ ରିୟା ଚକ୍ରବର୍ତ୍ତୀଙ୍କ ବିରୋଧରେ ତାଙ୍କ କ୍ରୋଧ ପ୍ରକାଶ କରୁଛନ୍ତି । ରିୟା ଚକ୍ରବର୍ତ୍ତୀ ନିକଟରେ ସୁଶାନ୍ତଙ୍କ ଆତ୍ମହତ୍ୟା ନେଇ ସିବିଆଇ ଯାଞ୍ଚର ଦାବି କରିଥିଲେ, କିନ୍ତୁ ବର୍ତ୍ତମାନ ତାଙ୍କ ବିରୋଧରେ ଆସିଥିବା ଅଭିଯୋଗ ପରେ ବିଭିନ୍ନ ମହଲରୁ ତାଙ୍କୁ ଟ୍ରୋଲ କରାଯାଉଛି । ସମସ୍ତେ ରିୟାଙ୍କୁ ଟାଗ୍ରେଟ କରୁଛନ୍ତି ଏବଂ ତାଙ୍କ ଗିରଫଦାରୀ ପାଇଁ ଦାବି କରୁଛନ୍ତି ।
ଯାଞ୍ଚରେ ଆସିଥିବା ଏହି ବଡ଼ ଟ୍ୱିଷ୍ଟରେ ଅନେକ ଲୋକ ଖୁସି ଥିବାବେଳେ କିଛି ପ୍ରଶଂସକ ତାଙ୍କ କ୍ରୋଧ ବ୍ୟକ୍ତ କରିଛନ୍ତି । ଜଣେ ୟୁଜର୍ସ ଲେଖିଛନ୍ତି ଯେ, ‘ମୁଁ ଖୁବ କ୍ରୋଧିତ, ରିୟା ସୁଶାନ୍ତଙ୍କ ଟଙ୍କା, ଗହଣା ଏବଂ ମେଡିକାଲ ରିପୋର୍ଟ ସବୁ ଚୋରୀ କରିନେଇଥିଲା । ସେ ରିପୋର୍ଟ ମାଧ୍ୟମରେ ସୁଶାନ୍ତଙ୍କୁ ବ୍ଲାକମେଲ କରୁଥିଲା ଏବଂ ସୋସିଆଲ ମିଡିଆରେ ରିପୋର୍ଟ ସବୁ ଲିକ୍ କରିଦେବା ଭଳି ଧମକ ମଧ୍ୟ ଦେଇଥିଲା । ସୁଶାନ୍ତଙ୍କୁ ରିୟା ଯୋଗୁଁ ବହୁତ କିଛି ସହିବାକୁ ପଡ଼ିଥିଲା ।’
I AM SO ANGRY RIGHT NOW… RHEA STOLE ALL OF SUSHANT’S MONEY, JEWELLERY AND MEDICAL REPORTS WHICH SHE USED TO BLACKMAIL HIM SAYING THAT SHE WILL LEAK HIS REPORTS TO THE MEDIA. SUSHANT WENT THROUGH SO MUCH BECAUSE OF THIS EVIL #RheaChakraborty
— samEEra (@sameera_01) July 28, 2020
ଅନ୍ୟ ପଟେ ଆଉ ଜଣେ ୟୁଜର୍ସ ରିୟାର ପୁରା ପରିବାର ବିରୋଧରେ ନିଜର କ୍ରୋଧ ଜାହିର କରିଛନ୍ତି । ୟୁଜର୍ସଙ୍କ ମୁତାବକ ସୁଶାନ୍ତଙ୍କ ପରେ ରିୟାର ପରିବାର ଆଉ ଏକ ଶିକାର ଉପରେ ନଜର ପକାଉଥିବେ । କିନ୍ତୁ ଏବେ ବୋଧେ ତାଙ୍କର ଏହି ସ୍ୱପ୍ନ ପୂରଣ ହୋଇପାରିବ ନାହିଁ । ୟୁଜର୍ସ ଜଣଙ୍କ ସୁଶାନ୍ତଙ୍କ ମାମଲାରେ ସିବିଆଇ ଯାଞ୍ଚ ପାଇଁ ଦାବି କରିଛନ୍ତି ।
#RheaChakraborty and family must have been conspiring hard all this time to plot her next target, but now all her hopes dashed.#WhyFearCBIForSSR
— Sugandha Kapoor (@sugandhakapoor1) July 28, 2020
କିଛି ଲୋକ ଏମିତି ବି ଅଛନ୍ତି ଯେଉଁମାନେ ରିୟାଙ୍କୁ ଜେଲ ପଠାଇବା ପାଇଁ ଦାବି କରୁଛନ୍ତି । ସୋସିଆଲ ମିଡିଆର ଏକ ପୋଷ୍ଟ ମାଧ୍ୟମରେ କୁହାଯାଇଛି ଯେ, ‘ସତ୍ୟର ବିଜୟ ହୋଇଥାଏ । ସେ ସମୟକୁ ମୁଁ ଅପେକ୍ଷା କରିଛି ଯେବେ ରିୟା, ସନ୍ଦୀପ, ସିନ୍ଧାର୍ଥ ପିଠାନୀକୁ ଜେଲକୁ ପଠାଯିବ । ମୁଁ ଆଶା କରୁଛି ସମସ୍ତେ ନର୍କକୁ ଯାଆନ୍ତୁ ।’
https://twitter.com/usha33074667/status/1288139360987049985
ଆଗରୁ ସୂଚନା ରହିଛି ଯେ ରିୟା ଚକ୍ରବର୍ତ୍ତୀ ସୁଶାନ୍ତଙ୍କ ଆକାଉଣ୍ଟରୁ ୧୫ କୋଟି ଟଙ୍କା ବାହାର କରିଥିଲେ । ଏହି କଥାରେ ଲୋକମାନେ ରିୟାଙ୍କୁ ଖୁବ ଟ୍ରୋଲ କରିଛନ୍ତି । ଜଣେ ୟୁଜର୍ସ କହିଛନ୍ତି ଯେ, ସୁଧ ସମେତ ରିୟାଙ୍କ ପାଖରୁ ସବୁ ଟଙ୍କା ଅଣାଯାଉ । ୟୁଜର୍ସ ଜଣଙ୍କ ଏହା ମଧ୍ୟ କହିଛନ୍ତି ଯେ, ମହେସ ଭଟ୍ଟ ଏହି ସବୁ ଟଙ୍କା ଫେରାଇବାରେ ରିୟାଙ୍କ ସାହାଯ୍ୟ କରିପାରନ୍ତି ।
ସୋସିଆଲ ମିଡିଆରେ ବର୍ତ୍ତମାନ ଏହି ବିଷୟରେ ଅନେକ ପୋଷ୍ଟ ଭାଇରାଲ ହେଉଛି । ଲୋକଙ୍କର ଭିନ୍ନ ଭିନ୍ନ ମତ ଆସୁଛି ସତ କିନ୍ତୁ ସମସ୍ତେ ବର୍ତ୍ତମାନ ସୁଶାନ୍ତଙ୍କୁ ନ୍ୟାୟ ମିଳୁ ବୋଲି ଦାବି କରୁଛନ୍ତି । ମାମଲାରେ ସିବିଆଇ ଯାଞ୍ଚର ଦାବିକୁ ମଧ୍ୟ ତୀବ୍ର କରିଦିଆଯାଇଛି ।
ଅନ୍ୟପଟେ ବିହାରରୁ ପୋଲିସର ଏକ ଟିମ ମୁମ୍ବାଇ ପହଞ୍ଚି ସାରିଲାଣି । ବର୍ତ୍ତମାନ ମୁମ୍ବାଇ ପୋଲିସ ସମେତ ବିହାର ପୋଲିସ ମଧ୍ୟ ସୁଶାନ୍ତଙ୍କ ମୃତ୍ୟୁ ମାମଲାରେ ଯାଞ୍ଚ ଆରମ୍ଭ କରିବ । ସୁଶାନ୍ତଙ୍କ ବାପା ଯେଉଁ ଏଫଆଇଆର ଦାଖଲ କରିଛନ୍ତି, ସେହି ଆଧାରରେ ପୋଲିସ ଯାଞ୍ଚ ଆଗକୁ ବଢ଼ାଇବ ।
https://www.youtube.com/watch?v=Zxf8JeL0Vnc
