ଜାନୁଆରୀରୁ ମହଙ୍ଗା ହେବ ATM ବ୍ୟବହାର; କେତେ ଟଙ୍କା ଅଧିକ ଦେବାକୁ ପଡ଼ିବ ଜାଣନ୍ତୁ…
1 min read
ନୂଆଦିଲ୍ଲୀ: ନୂଆବର୍ଷରୁ ମହଙ୍ଗା ହେବାକୁ ଯାଉଛି ATM ବ୍ୟବହାର । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ୨୦୨୨ ଜାନୁଆରୀ ୧ରୁ ଏଟିଏମ କାରବାରର ଚାର୍ଜ ବଢ଼ାଇବା ପାଇଁ ଅନୁମତି ଦେଇଛି । ବ୍ୟାଙ୍କ ତରଫରୁ ଦିଆଯାଉଥିବା ମାଗଣା କାରବାର ବ୍ୟବହାର ପରେ ଆଉ ଅଧିକ କାରବାର କଲେ ବ୍ୟାଙ୍କକୁ ଆଗ ଅପେକ୍ଷା ଏବେ ଅଧିକ ଟଙ୍କା ଦେବାକୁ ପଡ଼ିବ ।
ଆରବିଆଇର ବିଜ୍ଞପ୍ତି ଅନୁସାରେ ମାଗଣା ଏଟିଏମ କାରବାରର ମାସିକ ଲିମିଟ ପରେ ବ୍ୟାଙ୍କ ଉପଭୋକ୍ତାଙ୍କଠାରୁ ଅଧିକ ଟଙ୍କା ନେବ । ବର୍ତ୍ତମାନ ସବୁ କାରବାରରେ ବ୍ୟାଙ୍କ ୨୦ ଟଙ୍କା ନେଉଛି । ତେବେ ଏହା ୨୦୨୨ ଜାନୁଆରୀ ୧ ପରେ ୨୦ ଟଙ୍କା ବଦଳରେ ବ୍ୟାଙ୍କ ୨୧ ଟଙ୍କା ନେବ । ଆରବିଆଇ ଆହୁରି କହିଛି କି ଏହି ଟଙ୍କା ବ୍ୟତୀତ ଅଲଗା ଟ୍ୟାକ୍ସ ମଧ୍ୟ ଲାଗୁ ହେବ । ଅର୍ଥାତ ବର୍ତ୍ତମାନ ବ୍ୟାଙ୍କ ନେଉଥିବା ୨୦ ଟଙ୍କା ପରେ ଟ୍ୟାକ୍ସ ଅଲଗା ନେଇଥାଏ । ତେବେ ଜାନୁଆରୀ ୧ରେ ଏହି ଚାର୍ଜ ବୃଦ୍ଧି ହେବା ପରେ ମଧ୍ୟ ଟ୍ୟାକ୍ସ ଅଲଗା ନେବ ।
ବ୍ୟାଙ୍କ ଗ୍ରାହକଙ୍କୁ ପ୍ରତି ମାସରେ ସେହି ବ୍ୟାଙ୍କର ଏଟିଏମରୁ ପାଞ୍ଚଟି ମାଗଣା କାରବାର ପାଇଁ ଅନୁମତି ଦେଇଥାଏ । ଅନ୍ୟ ବ୍ୟାଙ୍କରୁ ମାଗଣା କାରବାରର ଲିମିଟ ଆପଣ କେଉଁ ସହରରେ ରହୁଛନ୍ତି ତାହା ଉପରେ ନିର୍ଭର କରୁଛି । ମେଟ୍ରୋ ସହରରେ ରହୁଥିବା ବ୍ୟାଙ୍କ ଗ୍ରାହକ ଅନ୍ୟ ବ୍ୟାଙ୍କର ଏଟିଏମରୁ ପ୍ରତି ମାସରେ ତିନି ଥର ମାଗଣା କାରବାର କରିପାରିବେ ।
