ନନ୍ଦିଘୋଷ ବ୍ୟୁରୋ: ରେପୋ ରେଟ ଅପରିବର୍ତ୍ତିତ ରଖିଲା ଭାରତୀୟ ରିଜର୍ଭ ବ୍ୟାଙ୍କ। ରେପୋରେଟ ରହିଛି ୫.୫ ପ୍ରତିଶତ। ମନିଟାରୀ ପଲିସି କମିଟିର ବୈଠକରେ ଏହି ନିଷ୍ପତ୍ତି ନିଆଯାଇଥିବା ଆରବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା ସୂଚନା ଦେଇଛନ୍ତି। ସେହିପରି ଷ୍ଟାଣ୍ଡିଂ ଫାସିଲିଟି ଡିପୋଜିଟ ବା ଏସଡିଏଫ ରେଟ ରହିଛି ୫.୨୫ପ୍ରତିଶତ। ମାର୍ଜିନାଲ ଷ୍ଟାଣ୍ଡିଂ ଫାସିଲିଟି ବା ଏମଏସଏଫ ରେଟ ଓ ବ୍ୟାଙ୍କ ରେଟ୍ ୫.୭୪ ପ୍ରତିଶତ ରଖାଯାଇଛି। ସେ କହିଛନ୍ତି ଦେଶରେ ମୁଦ୍ରାସ୍ଫୀତି ଗତ କିଛି ମାସ ଭିତରେ ଆଶାତୀତ ଭାବେ ତଳକୁ ଖସିଛି। ଜୁନରେ ମୁଦ୍ରାସ୍ଫୀତି ହାର ୩.୭ ପ୍ରତିଶତ ଥିବାବେଳେ ବର୍ତ୍ତମାନ ତାହା ୨.୬ ପ୍ରତିଶତକୁ ହ୍ରାସ ପାଇଛି। ଅଗଷ୍ଟରେ ଏହି ହାର ଥିଲା ୩.୧ ପ୍ରତିଶତ। ଖାଦ୍ୟ ପଦାର୍ଥର ଦର କମିବା ଓ ଜିଏସଟି ହ୍ରାସ ଯୋଗୁ ଏହା ସମ୍ଭବ ହୋଇଛି ବୋଲି ସେ କହିଛନ୍ତି।
