ପୁଣି ରେପୋ ରେଟ ବଢ଼ାଇଲା RBI, ମହଙ୍ଗା ହେବ ବ୍ୟାଙ୍କ ଋଣ

ନୂଆଦିଲ୍ଲୀ: ପୁଣି ବଢ଼ିଲା ରେପୋ ରେଟ୍, ମହଙ୍ଗା ହେବ EMI । ପୁଣି ରେପୋରେଟ ବଢ଼ାଇଲା ରିଜର୍ଭ ବ୍ୟାଙ୍କ । ରେପୋ ରେଟରେ ୫୦ ବେସିସ ପଏଣ୍ଟ ବୃଦ୍ଧି କରାଯାଇଛି । ରେପୋ ରେଟ୍ ୫.୪୦ ପ୍ରତିଶତରୁ ବଢ଼ି ୫.୯୦ ପ୍ରତିଶତ ହୋଇଛି । ରେପୋ ରେଟ୍ ବୃଦ୍ଧି ନେଇ ଘୋଷଣା କରିଛନ୍ତି ଗଭର୍ଣ୍ଣର ଶକ୍ତିକାନ୍ତ ଦାଶ । ଲଗାତାର ଚତୁର୍ଥ ଥର ପାଇଁ ମୁଦ୍ରା ନୀତି ବୈଠକରେ ରେପୋ ରେଟରେ ବୃଦ୍ଧି ପାଇଁ ନିଷ୍ପତ୍ତି ହୋଇଛି । ଆରବିଆଇ ରେପୋ ରେଟ ବଢ଼ିବା ପରେ ବ୍ୟାଙ୍କ ଋଣ ଅଧିକ ହେବ, ଯାହାର ପ୍ରଭାବ ଗ୍ରାହକଙ୍କ ଉପରେ ପଡ଼ିବ ।

ରେପୋ ରେଟ ବଢିବା ପରେ ହୋମ ଲୋନ୍, କାର ଲୋନ୍ ଏବଂ ବିଜନେସ ଲୋନ୍ ମହଙ୍ଗା ହେବ । ପୂର୍ବରୁ ଯେଉଁମାନେ ରେପୋ ରେଟ୍ ଆଧାରିତ ହୋମ ଲୋନ୍ ନେଇଛନ୍ତି ସେମାନଙ୍କ EMI ବଢ଼ିବ । ୨୦୨୨ରେ ଆରବିଆଇ ରେପୋ ରେଟରେ ୧.୪୦ ପ୍ରତିଶତ ବଢାଇଛି । ପ୍ରଥମ ଥର ଆରବିଆଇ ମେ’ ମାସରେ ୪୦ ବେସିସ୍ ପଏଣ୍ଟ, ଦ୍ୱିତୀୟରେ ଜୁନ ମାସରେ ୫୦ ବେସିସ୍ ପଏଣ୍ଟ ଏବଂ ଅଗଷ୍ଟରେ ୦.୫୦ ପ୍ରତିଶତ ବଢାଯାଇଥିଲା ।