RBIର ବଡ ଘୋଷଣା: ରେପୋ ରେଟ୍ ହ୍ରାସ ହେତୁ ଶସ୍ତା ହୋଇପାରେ ଲୋନ୍,ଇଏମ୍ଆଇ ପାଇଁ ଆଉ ୩ ମାସ ମହଲତ
1 min read
ନୂଆଦିଲ୍ଲୀ: କରୋନା ସଙ୍କଟକୁ ଦୃଷ୍ଟିରେ ରଖି କେନ୍ଦ୍ର ସରକାର ପ୍ରାୟ ୨୧ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ଘୋଷଣା କରିଛନ୍ତି । ବର୍ତ୍ତମାନ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଗଭର୍ଣ୍ଣର ଶକ୍ତିକାନ୍ତ ଦାସ ରେପୋ ହାର ହ୍ରାସ କରିବାକୁ ଘୋଷଣା କରିଛନ୍ତି ।
କରୋନାରେ ବେହାଲ୍ ଅର୍ଥନୀତିକୁ ଟ୍ରାକ୍କୁ ଆଣିବା ପାଇଁ ଭାରତୀୟ ରିଜର୍ଭ ବ୍ୟାଙ୍କର ବଡ଼ ଘୋଷଣା । ରେପୋ ରେଟ୍ ୪୦ ବେସିସ୍ ପଏଣ୍ଟ ହ୍ର।ସ ନେଇ ସୂଚନା ଦେଲେ ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାଶ । ରେପୋରେଟ୍ ୪.୪ ପ୍ରତିଶତରୁ ହ୍ର।ସ ପାଇ ୪ ପ୍ରତିଶତ କରାଯାଇଛି । ଏହାଫଳରେ ଇଏମ୍ଆଇ ଓ ଲୋନ୍ ଶସ୍ତା ହୋଇପାରେ । ସେହିପରି ଇଏମ୍ଆଇ ପାଇଁ ରିଜର୍ଭ ବ୍ୟାଙ୍କ ଆଉ ୩ ମାସ ମହଲତ ଦେଇଛନ୍ତି । ବ୍ୟାଙ୍କଗୁଡ଼ିକ ଏହାକୁ କାର୍ଯ୍ୟକାରୀ କଲେ ଗ୍ରାହକ ସୁଫଳ ପାଇବେ । ଅର୍ଥନୈତିକ ମାନ୍ଦାବସ୍ଥାକୁ ସୁଧାରିବା ପାଇଁ ଆର୍ବିଆଇ ୪ସୂତ୍ରୀ ଯୋଜନା ଘୋଷଣା କରିଛି । ପ୍ରଥମଟି ହେଲା, ବଜାରରେ କାରବାର ବୃଦ୍ଧି ।
ଦ୍ୱିତୀୟରେ ରପ୍ତାନୀ ବୃଦ୍ଧି ପାଇଁ ସହଯୋଗ, ତୃତୀୟରେ ରାଜ୍ୟ ସରକାରଙ୍କ ଉପରେ ଆର୍ଥିକ ବୋଝ ହ୍ର।ସ କରିବା ଏବଂ ଚତୁର୍ଥରେ କରୋନା ଯୋଗୁଁ ସୃଷ୍ଟି ହୋଇଥିବା ଆର୍ଥିକ ପ୍ରତିବନ୍ଧକ ଦୂର କରିବା । ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ, ଅର୍ଥନୈତିକ ବିକାଶ ପାଇଁ ଆଶା ପ୍ରକାଶ କରିବା ସହ ଚଳିତବର୍ଷ ସ୍ୱାଭାବିକ ମୌସୁମୀ ହେବ ଏବଂ ଏଥିରୁ ଅର୍ଥନୀତିକୁ ସୁଫଳ ମିଳିବ ବୋଲି କହିଛନ୍ତି । ସେ କହିଛନ୍ତି ଯେ, ମାର୍ଚ୍ଚ ମାସରେ ସିମେଣ୍ଟ ଉତ୍ପାଦନ ପ୍ରଭାବିତ ହୋଇଛି । ଏହା ୧୯ ପ୍ରତିଶତ ହ୍ର।ସ ପାଇଛି । ସେହିପରି ଶିଳ୍ପ ଉତ୍ପାଦନ ୧୭ ପ୍ରତିଶତ ହ୍ର।ସ ପାଇଛି। ତେବେ ଖାଦ୍ୟ ଶସ୍ୟ ଉତ୍ପାଦନ ୩ ଦଶମିକ ୭ ପ୍ରତିଶତ ବଢିଛି । ଅପରପକ୍ଷରେ କରୋନା ଯୋଗୁଁ ଦେଶରେ ପୁଞ୍ଜିନିବେଶ କମିଥିବା ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାଶ କହିଛନ୍ତି ।
EMI ନେଇ ଆରବିଆଇ ଗଭର୍ଣ୍ଣରଙ୍କ ବଡ଼ ସୂଚନା
ଆରବିଆଇ ଲକଡାଉନ୍ ଆରମ୍ଭ କାଳରେ ବ୍ୟାଙ୍କ ମାନଙ୍କୁ ୩ ମାସ ପାଇଁ ଲୋନ୍ ଓ ଇଏମଆଇ ଉପରେ ରିହାତି ଦେବାକୁ ଘୋଷଣା କରିଥିଲା । ଏହାପରେ ଅଧିକାଂଶ ବ୍ୟାଙ୍କ ଆରବିଆଇର ପରାମର୍ଶକୁ ଗ୍ରହଣ କରିନେଇଥିଲେ । ବର୍ତ୍ତମାନ ଆରବିଆଇ ପୁଣିଥରେ ଆଉ ତିନି ମାସ ପାଇଁ ଇୋନ୍ ଓ ଇଏମଆଇ ଉପରେ ରିହାତି ଘୋଷଣା କରିଛି । ଏହାର ଅର୍ଥ ହେଲା ବ୍ୟାଙ୍କ ଗ୍ରାହକଙ୍କୁ ଇଏମଆଇ ଦେବାକୁ ବାଧ୍ୟ କରିପାରିବେ ନାହିଁ । ଆଗର ୩ ମାସ ଓ ନୂଆ ୩ ମାସକୁ ମିଶାଇ,ଗ୍ରାହକଙ୍କୁ ମୋଟ ୬ ମାସର ମହଲତ ମିଳିବ । ଅନ୍ୟପକ୍ଷରେ ଏହି ଅବଧିରେ ଲୋନ୍ ଇଏମଆଇ ଦେଉନଥିବା ଗ୍ରାହକଙ୍କ ସିବିଲ ସ୍କୋର ମଧ୍ୟ ଠିକ ରହିବ । ଅର୍ଥାତ ବ୍ୟାଙ୍କ ନଜରରେ ଆପଣ ଡିଫଲ୍ଟର ହେବେ ନାହିଁ । ତେବେ ଏଥିପାଇଁ ଆପଣଙ୍କୁ ଅଧିକ ସୁଧ ଦେବାକୁ ପଡିବ ।
ଗଭର୍ଣ୍ଣରଙ୍କ ବଡ ଘୋଷଣା
– ଲକଡାଉନ୍ ଠାରୁ ଅର୍ଥନୈତିକ କ୍ଷେତ୍ରରେ ପ୍ରବଳ ହ୍ରାସ ହୋଇଛି , ମୁଖ୍ୟତଃ ୬ଟି ବୃହତ ଶିଳ୍ପ ରାଜ୍ୟରେ ରେଡ ଜୋନରେ ରହିଛି ।
– କରୋନା ପାଇଁ ମାର୍ଚ୍ଚ ମାସରେ ପୁଞ୍ଜି ସାମଗ୍ରୀ ଉତ୍ପାଦନ ୩୬% ହ୍ରାସ ପାଇଛି ।
– ଉପଭୋକ୍ତାଙ୍କ ସ୍ଥାୟୀ ଉତ୍ପାଦନରେ ୩୩% ହ୍ରାସ ପେଇଛି ।
– ମାର୍ଚ୍ଚରେ ଶିଳ୍ପ ଉତ୍ପାଦନ କ୍ଷେତ୍ରରେ କରୋନା ପାଇଁ ୧୭ ପ୍ରତିଶତ ହ୍ରାସ ହୋଇଛି ।
-ଏପ୍ରିଲରେ ଖାଦ୍ୟ ମୁଦ୍ରାସ୍ଫୀତି ପୁଣି ୮.୬ ପ୍ରତିଶତକୁ ବୃଦ୍ଧି ପାଇଛି
– ଡାଲିର ମୁଦ୍ରାସ୍ଫୀତି ଆସନ୍ତା ମାସରେ ବିଶେଷ ଚିନ୍ତାର କାରଣ ହେବ । କାରଣ ଡ଼ାଲିର ଦର ଏବେ ଯାହା ଅଛି ତାହା ଆଗକୁ ବଢ଼ିବ ।
– ଏହି ଅଧା ବର୍ଷ ମଧ୍ୟରେ ମୁଦ୍ରାସ୍ଫୀତି ଅଧିକ ରହିବ କିନ୍ତୁ ପରବର୍ତ୍ତୀ ଅଧା ବର୍ଷରେ ଏଥିରେ ହ୍ରାସ ଘଟିପାରେ ।
