ରାସ୍ତା ପାଲଟିଛି ମରଣ ଜନ୍ତା, ସଙ୍କୁଚିତ ରାସ୍ତା ପାଇଁ ଘଟୁଛି ଦୁର୍ଘଟଣା

ରାୟଗଡା : ରାସ୍ତା ଚକାଚକ କିନ୍ତୁ ହେଉନି ରକ୍ଷଣା ବେକ୍ଷଣ। ସଙ୍କୁଚିତ ରାସ୍ତା ପାଇଁ ଘଟୁଛି ଦୁର୍ଘଟଣା। ରାୟଗଡାରେ ରାସ୍ତା ପାଲଟିଛି ମରଣ ଜନ୍ତା। ପାହାଡି ରାସ୍ତାରେ ଭାରିଯାନ ଚଳାଚଳ କରୁଥିବାରୁ ସଙ୍କୁଚିତ ରାସ୍ତାରେ ଗାଡି ଚଳାଇବା ଏବେ ବଡ ସମସ୍ଯା ପାଲଟିଛି। ପ୍ରାୟ ୮ଲକ୍ଷରୁ ଅଧିକ ଲୋକ ପାହାଡୀ ରାସ୍ତା ଉପରେ ନିର୍ଭର କରୁଥିବା ବେଳେ ରାସ୍ତାଗୁଡିକ ଅଙ୍କାବଙ୍କା ହୋଇ ରହିଛି। ରାସ୍ତା ଉପରକୁ ଗଛ ଲତା ମାଡି ଆସିବାରୁ ରାସ୍ତା ସଙ୍କୁଚିତ ହୋଇ ରହିଛି। ଯାହାଦ୍ୱାରା କି  ସାମ୍ନାରୁ ଆସୁଥିବା ଯାନ ବାହାନ ଦେଖା ନଯିବା ଫଳରେ ପ୍ରତ୍ୟକ ଦିନ ଦୁର୍ଘଟଣା ଘଟି ଲୋକଙ୍କର ମୃତ୍ଯୁ ହେଉଛି।

ସରକାରଙ୍କ ତରଫରୁ ରକ୍ଷଣା ବେକ୍ଷଣ ବାବଦରେ ଆସୁଥିବା ଅର୍ଥର ସଠିକ ବ୍ୟବହାର ହେଉନଥିବା ଲୋକେ ଅଭିଯୋଗ କରିଛନ୍ତି। ପ୍ରଶାସନ ତୁରନ୍ତ ଏ ଦିଗରେ ପଦକ୍ଷେପ ଗ୍ରହଣ କରିବାକୁ ଦାବି କରିଛନ୍ତି ଲୋକେ। ପ୍ରତିବର୍ଷ  ୨ଥର ରକ୍ଷଣା ବେକ୍ଷଣ କରିବା କଥା। ସାରା ଜିଲ୍ଲାରେ ଏଭଳି  ସମ୍ଭବ ନୁହେଁ। ଲୋକ ପ୍ରତିନିଧି ମାନଙ୍କ କହିବା ପରେ କାମ ହେଉଛି। ଜିଲ୍ଲା ସାରା ରକ୍ଷଣା ବେକ୍ଷଣ ସମ୍ଭବ ହୋଇପାରୁ ନାହିଁ ବୋଲି କହିଛନ୍ତି ଗ୍ରାମ୍ୟ ନିର୍ମାଣ ବିଭାଜନ ଅଧିକାରୀ ମହେନ୍ଦ୍ର କଲେଟ୍। ସଠିକ ଭାବରେ ରକ୍ଷଣାବେକ୍ଷଣ ହୋଇପାରିଲେ ଲୋକେ ସୁବିଧାରେ ଯାତାୟାତ କରିପାରିବେ।