କାର୍ଯ୍ୟକ୍ଷମ ହେଲା ରାୟଗଡ଼ାର କୁକୁଡ଼ା ଚିଆଁ ଉତ୍ପାଦନ କେନ୍ଦ୍ର
1 min read
ରାୟଗଡ଼ା: ଦୀର୍ଘ ବର୍ଷ ଧରି ଅଚଳ ଅବସ୍ଥାରେ ପଡି ରହିଥିଲା ରାୟଗଡାର କୁକୁଡ଼ା ଚିଆଁ ଉତ୍ପାଦନ କେନ୍ଦ୍ର । ଅଳ୍ପ କିଛିଦିନ ଚାଲିବା ପରେ ଯାନ୍ତ୍ରିକ ତ୍ରୁଟି ଯୋଗୁଁ ଏହା ଅଚଳ ହୋଇପଡିଥିଲା। ୭ ବର୍ଷ ପରେ ଜିଲ୍ଲା ପ୍ରଶାସନର ଉଦ୍ୟମରେ କାର୍ଯ୍ୟକ୍ଷମ ହୋଇଛି କୁକୁଡ଼ା ଚିଆଁ ଉତ୍ପାଦନ କେନ୍ଦ୍ର। ମାସକୁ ୧୨ ହଜାର କୁକୁଡା ଚିଆଁ ଉତ୍ପାଦନ କରିବାର ଯୋଜନା ରଖିଛନ୍ତି ଜିଲ୍ଲା ମୁଖ୍ୟପ୍ରାଣୀ ଚିକିତ୍ସା ଅଧିକାରୀ । ଭଲ ବ୍ୟବସାୟର ଆଶା ରଖିଛନ୍ତି ବ୍ୟବସାୟୀ ।
ରାୟଗଡାରେ ୨୦୧୬ରେ ପ୍ରତିଷ୍ଠା ହୋଇଥିଲା କୁକୁଡ଼ା ଚିଆଁ ଉତ୍ପାଦନ କେନ୍ଦ୍ର। ଅଳ୍ପ କିଛିଦିନ ଚାଲିବା ପରେ ଯାନ୍ତ୍ରିକ ତ୍ରୁଟି ଯୋଗୁଁ ଏହା ଅଚଳ ହୋଇପଡିଥିଲା। ଜରାଜୀର୍ଣ୍ଣ ଅବସ୍ଥାରେ ଦୀର୍ଘ ୭ ବର୍ଷ ପଡ଼ି ରହିଲା। ସ୍ଥାନୀୟ ମହିଳା SHG ସ୍ୱୟଂ ସହାୟକ ଗୋଷ୍ଠୀ , ବ୍ୟବସାୟୀ, କୁକୁଡ଼ା ଚାଷୀ ଋଣ ଆଣି ବ୍ୟବସାୟ କରିବାକୁ ଚିନ୍ତା କରିବା ପାଇଁ ପଡୋସୀ ରାଜ୍ୟ ଏବଂ ଜିଲ୍ଲା ଉପରେ ନିର୍ଭର କରୁଥିଲେ। ଏବେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଜିଲ୍ଲା ମୁଖ୍ୟପ୍ରାଣୀ ଚିକିତ୍ସା ଅଧିକାରୀ ଏହାକୁ କାର୍ଯ୍ୟକ୍ଷମ କରିଛନ୍ତି।
କୁକୁଡ଼ା ଚିଆଁ ଉତ୍ପାଦନ କେନ୍ଦ୍ର ପୁଣି ଥରେ କାର୍ଯ୍ୟ କରିବା ଦ୍ବାରା ସ୍ଥାନୀୟ ଚାଷୀ ଉପକୃତ ହେବାର ଆଶା ରଖିଛନ୍ତି । ଅନ୍ୟ ରାଜ୍ୟ କିମ୍ବା ଜିଲ୍ଲା ଉପରେ ଆଉ ନିର୍ଭର କରିବାକୁ ପଡିବ ନାହିଁ। ମାସକୁ ୧୨ ହଜାର କୁକୁଡା ଚିଆଁ ଉତ୍ପାଦନ କରିବାର ଯୋଜନା ରଖିଥିବା ଏବଂ ଅଧିକ ଚିଆଁ ଉତ୍ପାଦନ କରି ଅନ୍ୟ ଜିଲ୍ଲାକୁ ମଧ୍ୟ ପଠାଇବା ନେଇ ଟାର୍ଗେଟ୍ ରଖିଥିବା ଜିଲ୍ଲା ମୁଖ୍ୟପ୍ରାଣୀ ଚିକିତ୍ସା ଅଧିକାରୀ କହିଛନ୍ତି।
