ଦିନକୁ ଦିନ କମୁଛି ମାଟି ଦୀପର ଚାହିଦା, ଚିନ୍ତାରେ କୁମ୍ଭକାର

ରାୟଗଡ଼ା: ଆସୁଛି ଆଲୋକର ପର୍ବ ଦୀପାବଳୀ । ଦୁଇ ପଇସା ରୋଜଗାର କରି ଜୀବିକା ନିର୍ବାହ କରିବାକୁ ମାଟି ଦୀପ କରିବାରେ ଲାଗିପଡିଛନ୍ତି କୁମ୍ଭକାର ପରିବାର । ପିଣ୍ଢାରେ ଲମ୍ବା ଲାଇନରେ ଶୁଖିଛି ଦୀପ। ଦୀପାବଳି ଆସିଲେ ଦୀପ ବିକି ଭଲ ଦୁଇ ପଇସା ରୋଜଗାର ଆଶାଥାଏ। କିନ୍ତୁ ଦିନକୁ ଦିନ ମାଟି ଦୀପର ଚାହିଦା କମୁଥିବାରୁ ଚିନ୍ତାରେ ଲୋକେ। ରାୟଗଡା ସହରକୁ ଲାଗି ରହିଛି କୁମ୍ଭାର ଗାଁ ଓ ଅମଲାଭଟା ଦୁଇଟି କମ୍ଭକାର ଗାଁ । କୌଳିକ ବୃତ୍ତିକୁ ବଞ୍ଚାଇବା ପାଇଁ ମାଟି ଦୀପ ପ୍ରସ୍ତୁତ କରୁଛନ୍ତି ଦୁଇ ଗ୍ରାମବାସୀ ।

ବିଶେଷ କରି ଆନ୍ଧ୍ର ଓ ତେଲେଙ୍ଗାନା ରାଜ୍ୟର ଖୁଚୁରା ବ୍ୟବସାୟୀ ମାନେ ଚାଇନା ଦୀପ ଆଣି ରାୟଗଡା ବଜାରରେ ଦୀପ ବିକ୍ରି କରୁଛନ୍ତି । ଗତ ବର୍ଷ ଏହି ବ୍ୟବସାୟୀ ମାନେ ଭଲ ଦୁଇ ପଇସା ରୋଜଗାର କରିଥିବା ବେଳେ ଏବେ ରାୟଗଡା ସହରରେ ଚାଇନା ଦୀପ ବ୍ୟବସାୟୀଙ୍କ ଭିଡ଼ ଜମିବାରେ ଲାଗିଛି । ଯୁବପୀଢୀ ଏହି ଦୀପକୁ ଅଧିକରୁ ଅଧିକ କିଣି ନେଉଛନ୍ତି । ଫଳରେ ମାଟି ଦୀପ ବ୍ୟବସାୟୀ ଚିନ୍ତାରେ ।