କୁବେର DFOଙ୍କ ବିରୁଦ୍ଧରେ ବନବିଭାଗର କାର୍ଯ୍ୟାନୁଷ୍ଠାନ, ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ନିଲମ୍ବନ
1 min read
ରାୟଗଡା: DFO ବିଜୟ କୁମାର ପରିଡ଼ା ନିଲମ୍ବିତ । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ନିଲମ୍ବନ କଲେ ସରକାର । ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ଅଗଷ୍ଟ ୨୪ ତାରିଖ ଦିନ ଭିଜିଲାନ୍ସ ଟିମ୍, ରାୟଗଡା ସମେତ ୭ଟି ସ୍ଥାନରେ ଏକକାଳୀନ ଚଢ଼ାଉ କରିଥିଲେ ।
ଆୟର ୨୦୬ ଗୁଣ ଅଧିକ ସମ୍ପତ୍ତି ଜବତ ହୋଇଥିଲା । ସଠିକ ହିସାବ ଦେଇନପାରି ଗିରଫ ହୋଇଥିଲେ ବିଜୟ ପରିଡା । ୨୫ ତାରିଖରେ ଭୁବନେଶ୍ବର ସ୍ବତନ୍ତ୍ର ଭିଜିଲାନ୍ସ କୋର୍ଟକୁ ଚାଲାଣ କରାଯାଇଥିଲା । ଜାମିନ ନାମଞ୍ଜୁର ପରେ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିଲା । ଭୁବନେଶ୍ବର ଝାରପଡା ଜେଲରେ ୪୮ ଘଣ୍ଟାରୁ ଅଧିକ ସମୟ ଧରି ରହିବା ପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ।
କୋରାପୁଟ ସ୍ଥିତ RCCFଙ୍କ କାର୍ଯ୍ୟାଳୟରେ ତାଙ୍କୁ ହାଜିରା ପକାଇବାକୁ କୁହାଯାଇଛି । ନିଲମ୍ବନ ଆଦେଶ ନଉଠିବା ଯାଏଁ RCCF ଙ୍କ ବିନା ଅନୁମତିରେ ସେ ହେଡକ୍ବାର୍ଟର ଛାଡି ଯାଇପାରିବେ ନାହିଁ ବୋଲି ଚିଠିରେ ଉଲ୍ଲେଖ ରହିଛି ।
