’ପୁଷ୍ପା’ ଲୁକରେ ରବୀନ୍ଦ୍ର ଜାଡେଜା, ତେଲୁଗୁ ଭାଷାରେ ଡାଏଲଗ କହି ସେୟାର କଲେ ଭିଡିଓ

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଷ୍ଟାର ଅଲରାଉଣ୍ଡର ରବୀନ୍ଦ୍ର ଜାଡେଜା ତାଙ୍କ ନୂଆ ଲୁକ୍ ପାଇଁ ଲଗାତାର ସୋସିଆଲ ମିଡିଆରେ ଚର୍ଚ୍ଚାରେ ଅଛନ୍ତି । କେତେବେଳେ ଖଣ୍ଡା ଧରି ବୁଲାଉଥିବା ଫଟୋ ଭାଇରାଲ ହେଉଥିବାବେଳେ କେତେବେଳେ ହର୍ସ ରାଇଡିଂ କରୁଥିବାର ନଜର ଆସିଥାନ୍ତି । କିନ୍ତୁ ଏବେ ଆଉ ଏକ ନୂଆ ଲୁକରେ ନଜର ଆସିଛନ୍ତି ଜାଡେଜା । ଯେଉଁ ଲୁକ୍ ଜାଡେଜାଙ୍କ ଫ୍ୟାନମାନଙ୍କୁ ବେଶ୍ ପସନ୍ଦ ଆସିଛି । ରବୀନ୍ଦ୍ର ଜାଡେଜା ସୋସିଆଲ ମିଡିଆରେ ତାଙ୍କର ଏକ ନୂଆ ଲୁକ୍ ସେୟାର କରିଛନ୍ତି । ଯେଉଁଥିରେ ସେ ସାଉଥ ଇଣ୍ଡିଆନ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଲୁକରେ ନଜର ଆସିଛନ୍ତି । ନିକଟରେ ବକ୍ସ ଅଫିସରେ ଧମାକାଦାର କଲେକ୍ସନ କରିଛି ଅଲ୍ଲୁ ଅର୍ଜୁନ ଷ୍ଟାରର ’ପୁଷ୍ପା’ । କରୋନା କାଳରେ ଫିଲ୍ମଟି ଦର୍ଶକଙ୍କ ଭିତରେ ଆଦୃତ ଲାଭ କରିଛି ।

 

View this post on Instagram

 

A post shared by Ravindrasinh jadeja (@ravindra.jadeja)

Pushpa ante Flower anukunnava
Fireuuuu?

P.S- Smoking and consumption of tobacco is injurious to health. I do not endorse any form of smoking and the beedi used in the image is for graphic purposes only. pic.twitter.com/yykAlGLLwb

— Ravindrasinh jadeja (@imjadeja) January 12, 2022

ଜାଡେଜା ନ୍ୟୁ ଲୁକରେ ପୁଷ୍ପା ଫିଲ୍ମର ହିରୋ ଅଲ୍ଲୁ ଅର୍ଜୁନଙ୍କ ପରି ନଜର ଆସିଛନ୍ତି । କେବଳ ଅଲ୍ଲୁ ଅର୍ଜୁନଙ୍କ ଲୁକକୁ କପି କରିନାହାନ୍ତି ରବୀନ୍ଦ୍ର ଜାଡେଜା । ଅଲ୍ଲୁ ଅର୍ଜୁନଙ୍କ ପରି ମଧ୍ୟ ଡାଏଲଗ କହୁଛନ୍ତି ଜାଡେଜା । ଜାଡେଜା ଉଭୟ ଫଟୋ ଓ ଭିଡିଓକୁ ସୋସିଆଲ ମିଡିଆରେ ସେୟାର କରିଛନ୍ତି । ଫଟୋ ସେୟାର କରି କ୍ୟାପସନରେ ଜାଡେଜା ଲେଖିଛନ୍ତି କି ‘ଏହା ଏକ ଗ୍ରାଫିକାଲ ଫଟୋ । ସିଗାରେଟ୍‌, ବିଡି ଏବଂ ତମାଖୁ ସ୍ୱାସ୍ଥ୍ୟ ପାଇଁ ହାନିକାରକ। ଏଥିରୁ କ୍ୟାନ୍‌ସର ହୁଏ’ । ଜାଡେଜା ଇନଷ୍ଟାଗ୍ରାମରେ ଏହି ପୋଷ୍ଟ ସେୟାର କରିବା ପରେ ଅଭିନେତା ଅଲ୍ଲୁ ଅର୍ଜୁନ ମଧ୍ୟ ତାଙ୍କ ପୋଷ୍ଟରେ କମେଣ୍ଟ କରିଛନ୍ତି ।