ମ୍ୟାଚ୍ ସମୟରେ ଶୋଇଗଲେ ଶାସ୍ତ୍ରୀ
1 min read
ଭାରତୀୟ କ୍ରିକେଟ୍ ଟିମ୍ ଦକ୍ଷିଣ ଆଫ୍ରିକା ବିପକ୍ଷରେ 3-0ରେ ସିରିଜକୁ ମୂଳପୋଛ କରିନେଇଛି। ରାଞ୍ଚିରେ ଚାଲିଥିବା ତୃତୀୟ ତଥା ଅନ୍ତିମ ଟେଷ୍ଟକୁ ଇଂନିସ ଏବଂ 202 ରନରେ ଜିତି ଏକ ନୂଆ ଇତିହାସ ମଧ୍ୟ ରଚିଛି। ଟିମ୍ ଇଣ୍ଡିଆ ଦେଶବାସୀଙ୍କୁ ଧମାକାଦାର ଦୀପାବଳି ଉପହାର ଦେଇଥିବା ବେଳେ ଏହି ଖେଳ ସମୟରେ ଏମିତି ଏକ ଘଟଣା ଘଟିଛି ଯାହାକୁ ନେଇ ଟିମ୍ ଇଣ୍ଡିଆକୁ ବଦନାମ ହେବାକୁ ମଧ୍ୟ ପଡିଛି।
ଦକ୍ଷିଣ ଆଫ୍ରିକା ବିପକ୍ଷରେ ରାଞ୍ଚିରେ ଚାଲିଥିଲା ତୃତୀୟ ଟେଷ୍ଟ। ଏହି ସମୟରେ ଦେଖିବାକୁ ମିଳିଳା ଏକ ବିରଳ ଦୃଶ୍ୟ। ସଧାରଣତଃ କ୍ରିକେଟ୍ ମ୍ୟାଚରେ ଏଭଳି ଦେଖିବାକୁ ମିଳିନଥାଏ । ବିଶ୍ୱର ନମ୍ବର ୱାନ୍ ଟିମ୍ ଭାରତୀୟ ଦଳର କୋଚ୍ ମ୍ୟାଚ୍ ଚାଲିଥିବା ବେଳେ ଶୋଇପଡ଼ିଥିଲେ । ଯେଉଁ ଦୃଶ୍ୟ ଉପସ୍ଥିତ ଦର୍ଶକଙ୍କ ସହ ପ୍ୟାବିଲିୟନରେ ବସିଥିବା ଖେଳାଳିଙ୍କୁ ମଧ୍ୟ ଚକିତ କରିଥିଲା । ଶାସ୍ତ୍ରୀଙ୍କ ଶୋଇଥିବା ଦୃଶ୍ୟ ଏବେ ସୋସିଆଲ ମଡ଼ିଆରେ ଘୁରିବୁଲୁଛି। ଭାରତୀୟ ଜାତୀୟ ଦଳର ମୁଖ୍ୟ କୋଚ୍ ଭାବେ ଖେଳ ମଧ୍ୟରେ ଶାସ୍ତ୍ରୀଙ୍କ ମୁଣ୍ଡରେ ଗୁରୁଦାୟିତ୍ୱ ଥିବାବେଳେ, ଖେଳ ଚାଲିଥିବା ବେଳେ ସେ କେମିତି ଏଭଳି ଦାୟିିିତ୍ୱହୀନ କାମ କଲେ ତାକୁ ନେଇ ଉଠୁଛି ପ୍ରଶ୍ନ। ବିସିସିଆଇ ଶାସ୍ତ୍ରୀଙ୍କୁ କୋଚ ପଦବୀ ପାଇଁ କୋଟି କୋଟି ଟଙ୍କା ପାରିଶ୍ରମିକ ଦେଉଥିବା ବେଳେ ଶାସ୍ତ୍ରୀ କିନ୍ତୁ ଖୁବ ବିନ୍ଦାସ ଢଙ୍ଗୀରେ ମ୍ୟାଚ୍ ଚାଲିଥିବା ବେଳେ ଶୋଇପଡ଼ୁଛନ୍ତି। ଯାହାକୁ ନେଇ ଶାସ୍ତ୍ରୀଙ୍କୁ ସମାଲୋଚନାର ଶିକାର ହେବାକୁ ପଡ଼ିଛି। ଶାସ୍ତ୍ରୀଙ୍କୁ ବିସିସିଆଇ ଶୋଇବା ପାଇଁ କୋଟି କୋଟି ପାରିଶ୍ରମିକ ଦେଉଛି କି ବୋଲି ଅନେକ ୟୁଜର୍ସ ପ୍ରଶ୍ନ କରିଛନ୍ତି ସୋସିଆଲ୍ ମିଡିଆରେ। ')}
