କୋହଲି ହାଲିଆ ହୋଇଗଲେଣି ଓ ରେଷ୍ଟ ନିଅନ୍ତୁ ବୋଲି କିଏ କହିଲେ?

ମୁମ୍ବାଇ: ଟିମ୍ ଇଣ୍ଡିଆର ପୂବର୍ତନ କ୍ୟାପେଟନ ବିରାଟ କୋହଲି କିଛି ନା କିଛି ବିଷୟକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି । ତାଙ୍କ ଫ୍ୟାନମାନେ ମଧ୍ୟ ବିଭିନ୍ନ କାରଣକୁ ନେଇ ତାଙ୍କୁ ସବୁବେଳେ ପ୍ରଶଂସା ଏବଂ ସମାଲୋଚନା ବି କରିଥାନ୍ତି । ଏବେ ସେ IPLରେ ରୟାଲ୍ ଚ୍ୟାଲେଞ୍ଚର୍ସ ବେଙ୍ଗାଲୁରୁ (RCB) ପାଇଁ ଖେଳୁଛନ୍ତି । ସେ ମ୍ୟାଚରେ ପ୍ରତି ରନ୍ ପାଇଁ ସଂଘର୍ଷ କରୁଥିବା ଦେଖାଯାଉଛି । ସେ ଏବେ ଭଲ ଫର୍ମରେ ନାହାନ୍ତି ବୋଲି ତାଙ୍କ ଫ୍ୟାନମାନେ ଆଲୋଚନା କରୁଛନ୍ତି ।

ସେ IPLରେ RCB ପକ୍ଷରୁ ମୋଟ ୭ଟି ମ୍ୟାଚ ଖେଳିଛନ୍ତି । ଯେଉଁଥିରେ କେବଳ ଦୁଇ ଥର ୪୦ ରନରୁ ଅଧିକ ରନ୍ କରିଛନ୍ତି । ଗତ ମଙ୍ଗଳବାରରେ ସେ ପ୍ରଥମ ବଲରେ ହିଁ ଆଉଟ୍ ହୋଇଯାଇଥିଲେ ।

ଏହାରି ଭିତରେ ଟିମ୍ ଇଣ୍ଡିଆର ପୂର୍ବତନ କ୍ୟାପଟେନ୍ ରବି ଶାସ୍ତ୍ରୀ  ବିରାଟଙ୍କୁ ଆରାମ କରିବାକୁ ପରାମର୍ଶ ଦେଇଛନ୍ତି ।  ସେ କହିଛନ୍ତି ଯେ, ସେ ବହୁତ ଦିନରୁ କ୍ରିକେଟ ଖେଳୁଛନ୍ତି । କରୋନା ସମୟରେ ଗତ କିଛି ବର୍ଷରୁ ବାୟୋ ବବଲରେ ମ୍ୟାଚ୍ ଖେଳା ଯାଉଛି ।  ଏହାରି ଭିତରେ କୋହଲି ମାନସିକ ସ୍ତରରେ ହାଲିଆ ହୋଇଗଲେଣି । ଯଦି କୋହଲି ଆଗକୁ ଥିବା କିଛି ବର୍ଷ ଏପରି ଖେଳିବାକୁ ଚାହାନ୍ତି ତାହାଲେ ତାଙ୍କୁ ଏବେ ଆରାମ ଦରକାର ।

ଏକ ସାକ୍ଷାତକାରରେ ରବି ଶାସ୍ତ୍ରୀ କହିଛନ୍ତି ଯେ, କୋହଲି ଏବେ ଖରାପ ସମୟ ଦେଇ ଗତି କରୁଛନ୍ତି । ୬ରୁ ୭ ବର୍ଷ ପଯ୍ୟନ୍ତ ତାଙ୍କ କ୍ୟାରିୟର ରହିଛି । ସେ ଏବେ ଅଧିକ ମୁସ୍କିଲରେ ନ ପଡ଼ନ୍ତୁ । ମୋର କହିବା କଥା ଏଇୟା ଯେ, ଇଂଣ୍ଡଲ ଗସ୍ତ ପୂର୍ବରୁ କୋହଲିଙ୍କୁ ଆରାମରର ଆବଶ୍ୟକତା ରହିଛି ।