‘କେହି ସାଧୁ ନୁହନ୍ତି, କିନ୍ତୁ ପୁରା ଇଣ୍ଡଷ୍ଟ୍ରିକୁ ଡ୍ରଗ ଆଡିକ୍ଟ କହିବା ବି ଠିକ ନୁହେଁ’- ରଣବୀର ଶୌରୀ

ମୁମ୍ବାଇ: ବଲିଉଡରେ ଡ୍ରଗ୍ସ ଆଡିକସନକୁ ନେଇ ଏବେ ଚର୍ଚ୍ଚା ଜୋର ଧରିଛି । ଇତିମଧ୍ୟରେ ଅଭିନେତା ରଣବୀର ଶୌରୀ ବଲିଉଡରେ ଡ୍ରଗ୍ସ ଆଡିକସନ ଏବଂ ନେପୋଟିଜମକୁ ନିଜ ମତ ରଖିଛନ୍ତି । ସେ କହିଛନ୍ତି ଯେ, କାହାକୁ ବି ସାଧୁ କୁହାଯାଇପାରିବ ନାହିଁ କିମ୍ବା କାହାକୁ ବି ଡ୍ରଗ୍ ଆଡିକ୍ଟ କୁହାଯାଇପାରିବ ନାହିଁ । NCBକୁ ତଦନ୍ତ କରିବାର ଅଧିକାର ଅଛି ଏବଂ ତଦନ୍ତ ହେବା ମଧ୍ୟ ଆବଶ୍ୟକ ।

ମୁଁ ମୋ କାମରେ ଖୁସି ଅଟେ

ରଣବୀର କହିଛନ୍ତି ଯେ, ‘ମୁଁ ଏଥିପାଇଁ ମୁହଁ ଖୋଲି କହୁଛି କାରଣ, ମୁଁ ସେମାନଙ୍କୁ ଖୁସି କରିନଥିଲି । ମୁଁ ମୋ ଆତ୍ମା ଉପରେ ପାଦ ରଖି ଆଗକୁ ବଢ଼ିବାକୁ ଚେଷ୍ଟା କରିଛି । ମତେ ଯେଉଁ କାମ ମିଳେ ମୁଁ ସେଥିରେ ଖୁସି ଅଟେ ।’

ଡ୍ରଗ୍ସକୁ ନେଇ କଣ କହିଲେ ରଣବୀର ଶୌରୀ

ରଣବୀର କହିଛନ୍ତି,- ‘ଡ୍ରଗ୍ସ କଥା କହିବାକୁ ଗଲେ, ମୁଁ ଏତିକି କହିବି ଯେ, ବଲିଉଡ ସାଧୁ ନୁହେଁ, ନା ଏ ଦୁନିଆ ସାଧୁ ଅଟେ ।’

କେବଳ ବଲିଉଡ ନୁହେଁ ପ୍ରତ୍ୟେକ ଇଣ୍ଡଷ୍ଟ୍ରିରେ ଏଭଲି ପାର୍ଟି ହୁଏ

‘ବଲିଉଡରେ ଏନସିବିର ତଦନ୍ତ କରିବା ତାଙ୍କ ଅଧିକାର । କିନ୍ତୁ ଏହା ମାନି ନେବା ଯେ ବଲିଉଡ ହେଉଛି ଡ୍ରଗ୍ସର ସ୍ୱର୍ଗ, ଏବଂ କଙ୍ଗନାଙ୍କ ମତରେ ଫିଲ୍ମ ଇଣ୍ଡଷ୍ଟ୍ରିର ୯୯ ପ୍ରତିଶତ ଲୋକ ଡ୍ରଗ ଆଡିକ୍ଟ ତାହା ଭୁଲ ଅଟେ । ଆପଣ ଜାଣିଥିରେ ଫିଲ୍ମ ହେଉ କିମ୍ବା ରାଜନୀତି ବା ଅନ୍ୟ ବ୍ୟବସାୟୀକ ପାର୍ଟିରେ ଏମିତି ବଡ଼ ବଡ଼ ପାର୍ଟି ହୁଏ ।’

‘ମୁଁ ଏହି କଥାରେ ମଧ୍ୟ ସହମତ ନୁହଁ ଯେ, ବଲିଉଡରେ ଡ୍ରଗ୍ସ ନେବା ଏକ ସାମାନ୍ୟ କଥା । ଯଦି କଙ୍ଗନା ବଡ଼ ସ୍ତରରେ ଏଭଲି କଥା କହୁଛନ୍ତି ତେବେ ସେ ବୋଧହୁଏ ଏସବୁ ଦେଖିଥିବେ କିନ୍ତୁ ମୋ ମତରେ ଏସବୁ ହୁଏନାହିଁ ।’

ବଲିଉଡରେ ଦେଖାଦେଉଥିବା ସମସ୍ୟା ଉପରେ ସ୍ୱର ଉଠାଇବା ଆବଶ୍ୟକ

ରଣବୀର କହିଛନ୍ତି ଯେ, ‘ବଲିଉଡରେ ଅନେକ ସମସ୍ୟା ରହିଛି ଏବଂ ସେହି ସମସ୍ୟା ବିରୋଧରେ ସ୍ୱର ଉଠାଇବା ଆବଶ୍ୟକ । କିନ୍ତୁ ‘ଥାଳିରେ କଣା କରିବା’ ମନ୍ତବ୍ୟରେ ମୁଁ ସହମତ ନୁହେଁ । ଏହା ବି କହିଦେବା ଠିକ ନୁହେଁ ଯେ, ବଲଉଡରେ ସମସ୍ତେ ଡ୍ରଗ ଆଡିକ୍ଟ ।’