ବିହାର ପାଟନାରେ ରାସନ ଡିଲରମାନଙ୍କ ଜୋରଦାର ଆନ୍ଦୋଳନ। ଦାବି ପୂରଣ ହେଉନଥିବାରୁ ତାତିଲେ ରାସନ ଡିଲର। ବିକ୍ଷୋଭ ସହ ବ୍ୟାରିକେଡ ଭାଙ୍ଗି କରିଛନ୍ତି ହଙ୍ଗମା। ସେମାନେ ରାସ୍ତା ଅବରୋଧ କରିବା ସହ ସରକାରଙ୍କ ବିରୋଧରେ କରିଛନ୍ତି ନାରାବାଜି। ଫଳରେ ଆନ୍ଦୋଳନକାରୀଙ୍କ ଉପରେ ପୋଲିସର ଲାଠିମାଡ଼ ସହ ପାଣିମାଡ କରିଛି। ପୋଲିସ ମାଡରେ କିଛି କର୍ମୀ ଆହତ ହୋଇଥିବା ସୂଚନା ମିଳିଛି। ଆନ୍ଦୋଳନ ପରେ ସେଠାରେ ପୋଲିସ ମୁତୟନ କରାଯାଇଛି। ଦୀର୍ଘ ଦିନ ଧରି ଡିଲରମାନେ ବିଭିନ୍ନ ଦାବି ସରକାରଙ୍କ ନିକଟରେ ଉପସ୍ଥାପନ କରୁଥିଲେ ବି ସରକାର ପାଳନ କରୁ ନଥିବା ଅଭିଯୋଗ ହୋଇଛି।
