ରଥ ନିର୍ମାଣରେ ନିୟୋଜିତ ସେବାୟତଙ୍କର ହେଲା ସ୍ୱାବ୍ ଟେଷ୍ଟ
ପୁରୀ: ରଥ ନିର୍ମାଣରେ ନିୟୋଜିତ ସେବାୟତଙ୍କ କୋଭିଡ୍ ଟେଷ୍ଟ ହୋଇଛି । ପ୍ରାୟ ୫୦ରୁ ୬୦ ଜଣ ସେବାୟତଙ୍କ ସ୍ୱାବ ନମୁନା ସଂଗ୍ରହ କରାଯାଇଛି । ଗତକାଲି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଥ ନିର୍ମାଣରେ ନିୟୋଜିତ ସମସ୍ତ ସେବାୟତ ଓ କାରିଗରଙ୍କ ଟେଷ୍ଟ ନେଇ ସୂଚନା ଦେଇଥିଲେ। ଆଜି ସ୍ୱତନ୍ତ୍ର ଡାକ୍ତରୀ ଦଳ ସେବାୟତଙ୍କ ସ୍ୱାବ ନମୁନା ସଂଗ୍ରହ ପାଇଁ ଶ୍ରୀମନ୍ଦିର କାର୍ଯ୍ୟାଳୟରେ ପହଞ୍ଚିଛନ୍ତି ।
ପୂର୍ବରୁ ଶ୍ରୀମନ୍ଦିର କାର୍ଯ୍ୟାଳୟ ଗୋଟିଏ ରୁମକୁ ସାନିଟାଇଜ୍ କରାଯାଇଥିବା ବେଳେ ନମୁନା ସଂଗ୍ରହ ଆରମ୍ଭ ହୋଇଛି । ସମସ୍ତ କାରିଗରଙ୍କ ସମେତ ଦଇତାପତି ସେବକ ଓ ସେମାନଙ୍କ ପରିବାର ସଦସ୍ୟଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ଲକ୍ଷ୍ୟ ରଖାଯାଇଛି । ପ୍ରାଥମିକ ପର୍ଯ୍ୟାୟରେ ଦୁଇଦିନ ପର୍ଯ୍ୟନ୍ତ ସ୍ୱାବ ଟେଷ୍ଟ ଚାଲିବ ।
ଏବେ କେବଳ ରଥ ନିର୍ମାରଣେ ନିୟୋଜିତ ଥିବା ସେବକ ମାନଙ୍କର ସ୍ୱାବ ସଂଗ୍ରହ କରାଯାଇ କୋଭିଡ ଟେଷ୍ଟ ପାଇଁ ପଠାଯିବ । ଏହାପରେ ରଥଯାତ୍ରାରେ ନିୟୋଜିନ ଥିବା ଦଇତାପତି ସେବକ ଏବଂ ତାଙ୍କ ପରିବାର ସଦସ୍ୟଙ୍କର ସ୍ୱାବ ସଂଗ୍ରହ କରାଯାଇ କୋଭିଡ ଟେଷ୍ଟ କରିବା ପାଇଁ ପ୍ରସ୍ତାବ ଦିଆଯାଇଛି ।
