ସରିଲା ନବଦିନାତ୍ମକ ଯାତ୍ରା,କାଲି ସୁନାବେଶ
ଜନଶୂନ୍ୟ ବଡଦାଣ୍ଡରେ ଅବିଳମ୍ୱେ ଶ୍ରୀମନ୍ଦିର ଫେରିଗଲେ ମହାପ୍ରଭୁ ଜଗନ୍ନାଥ, ବଡ ଭାଇ ବଳଭଦ୍ର ଓ ଭଉଣୀ ସୁଭଦ୍ରା । ରଥଯାତ୍ରାରେ ପ୍ରଭୁ ଯେତେ ଶୀଘ୍ର ଆଡପ ମଣ୍ଡପକୁ ମୁହାଁନ୍ତି ଫେରିବା ବେଳେ ଏତେ ବ୍ୟସ୍ତ ହୋଇ ଫେରିବା କେହି ଅନୁଭବ କରିନଥିବେ । ସେଥିପାଇଁ କୁହାଯାଏ ବାହୁଡାରେ ପ୍ରଭୁ ରହି ସମ୍ଭାଳି ଭକ୍ତରର ଭାବବେଗକୁ ସମ୍ମାନ ଦେଇ ଆସ୍ତେ ଆସ୍ତେ ଫେରନ୍ତି । ଆମ ଓଡିଆଙ୍କ ବିଶ୍ୱାସ ଯେ ବାହୁଡା ଯାତ୍ରାର ସବୁ ନିତୀକାନ୍ତିରେ ଠାକୁରେ ଜାଣିଶୁଣି ବିଳମ୍ୱ କରନ୍ତି । ଭକ୍ତର ଭକ୍ତିରେ ବନ୍ଧା ଏଠାକୁର କେବେ ଏଭଳି ଜନଶୂନ୍ୟ ରଥାଯାତ୍ରା ଭବିଷ୍ୟତରେ ଦେଖିବେନି ବୋଧେ । ତେବେ ବିନା ଭକ୍ତରେ ଆଜିର ବାହୁଡା ଯାତ୍ରାକୁ ଆଗ୍ରାହ୍ୟ ନକରି ପ୍ରଭୁ ଫେରିଛନ୍ତି ନନ୍ଦିଘୋଷରେ । ବାଟରେ ମାଉସୀ ଘର ପୋଡ ପିଠା ବି ଖାଇଛନ୍ତି ।
ତେବେ ପୁରୀ ପ୍ରଶାସନ ଓ ମନ୍ଦିର ପ୍ରଶାସନ ଓ ପୁରୀବାସୀଙ୍କର ନିଷ୍ଠାପର ଶୃଙ୍ଖଳା ଓ ସମର୍ଥନ ଯୋଗୁଁ ରଥ ଓ ବାହୁଡା ଯାତ୍ରା ସଫଳ ହୋଇଛି । ତିନି ରଥ ବଡଦାଣ୍ଡରେ ଲାଗିଛି । ରଥାଯାତ୍ରା ପରିଚାଳନା ସଫଳ ଭାବେ ବାହୁଡ ଯାତ୍ରାରେ ଶେଷ ହେବା ପରେ ଜଗତଗୁରୁ ଶଙ୍କରାଚାର୍ଯ୍ୟ ପରିଚାଳନା କମିଟି ଓ ପ୍ରଶାସନକୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ପ୍ରଶାସନର ସଠିକ ନିୟନ୍ତ୍ରଣ ବ୍ୟବସ୍ଥା ଯୋଗୁଁ ରଥଯାତ୍ରାରୁ ବାହୁଡା ଯାତ୍ରା ପର୍ଯ୍ୟନ୍ତ ସମସ୍ତ ନୀତିକାନ୍ତି ସୂଚାର ରୂପେ ପରିଚାଳିତ ହୋଇଛି । ଅନ୍ୟପକ୍ଷରେ ଚତୁର୍ଦ୍ଧା ମୂର୍ତ୍ତି ଏବେ ସିଂହଦ୍ୱାର ସାମ୍ନାରେ ଅଟକି ରହିବେ । କାଲି ସୁନାବେଶରେ ଦର୍ଶନ ଦେଇ ନିଳାଦ୍ରୀ ବିଜେ କରିବେ ।
