ଶ୍ରୀମନ୍ଦିର ରଥ ନିର୍ମାଣ ପ୍ରସଙ୍ଗ: କେନ୍ଦ୍ର ସରକାରଙ୍କ ଅନୁମତି ଲୋଡ଼ିଲେ ରାଜ୍ୟ ସରକାର

ପୁରୀ: ଶ୍ରୀଜିଉଙ୍କ ଘୋଷଯାତ୍ରା ପାଇଁ ରଥ ନିର୍ମାଣ ପ୍ରସଙ୍ଗ । କେନ୍ଦ୍ରର ଅନୁମତି ଲୋଡିଲେ ରାଜ୍ୟ ସରକାର । ଲକ‌ଡାଉନ୍‌ ଯୋଗୁ ରଥ ନିର୍ମାଣ ହୋଇପାରିବ କି ନାହିଁ, ଏବେ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ଅପେକ୍ଷା କରାଯାଇଛି । ପୂର୍ବରୁ ରଥ ନିର୍ମାଣ ପାଇଁ ରାଜ୍ୟ ସରକାରଙ୍କ ଅନୁମତି ଲୋଡିଥିଲା ଶ୍ରୀମନ୍ଦିର ପରିଚାଳନା କମିଟି । ଏହାପରେ ରାଜ୍ୟ ସରକାର କେନ୍ଦ୍ର ସରକାରଙ୍କ ଅନୁମତି ଲୋଡିଛନ୍ତି ।

ପୂର୍ବରୁ ମନ୍ଦିର ପରିଚାଳନା କମିଟି ବୈଠକରେ ରଥ ନିର୍ମାଣ ପାଇଁ ନିଷ୍ପତ୍ତି ନିଆଯାଇଥିଲା । ରଥ ନିର୍ମାଣ କାର୍ଯ୍ୟ ଧାର୍ମିକ ପର୍ବ ନୁହେଁ ତେଣୁ ନିର୍ମାଣ କରିବାରେ କୌଣସି ଅସୁବିଧା ନାହିଁ ବୋଲି ପୁରୀ ଗଜପତି ଦିବ୍ୟସିଂହ ଦେବ କହିଥିଲେ । ରଥ ନିର୍ମାଣ କରାଯିବା ଦ୍ୱାରା ଜାତୀୟ ଲକଡାଉନ୍ ଗାଇଡଲାଇନର ଉଲ୍ଲଂଘନ ହେଉନାହିଁ ବୋଲି ସେ ସ୍ପଷ୍ଟ କରି ଦେଇଥିଲେ ।