ଖୁଲାସା କଲେ ରଣବୀର: ଆଦିତ୍ୟ ଚୋପ୍ରା କହିଥିଲେ ତୁମେ ହ୍ରିତିକ୍ ନୁହଁ…

ମୁମ୍ବାଇ: ଭିନ୍ନ ଭୂମିକାରେ ଷ୍ଟାଇଲିସ ଅଭିନେତା ରଣବୀର ସିଂ । ଦର୍ଶକ ଏବେ ତାଙ୍କୁ ନୂଆ ଲୁକରେ ଦେଖିବେ । କାରଣ ରଣବୀର ତାଙ୍କ ଫ୍ୟାନ ମାନଙ୍କପାଇଁ ଏକ ନୂଆ ଫିଲ୍ମ ନେଇ ଆସିଛନ୍ତି । ଏହାର ନାଁ ହେଉଛି ‘ଜୟେସଭାଇ ଜୋରଦାର୍’ । ଏହି ଫିଲ୍ମରେ ଆାପଣଙ୍କୁ ଗୁଜୁରାଟି ତଡକା ଦେଖିବାକୁ ମିଳିବ ।

ଏବେ କିନ୍ତୁ ରଣବୀର ତାଙ୍କର ଏକ ପୁରୁଣା ଅନୁଭବ ସେୟାର କରିଛନ୍ତି । ସେ ତାଙ୍କର ପ୍ରଥମ ଫିଲ୍ମ ‘ବ୍ୟାଣ୍ଡ ବାଜା ବାରାତ’ ବେଳେ ନିର୍ଦ୍ଦେଶକ ଆଦିତ୍ୟ ଚୋପ୍ରା ତାଙ୍କୁ ନେଇ ଏକ କଥା କହଥିଲେ । ଯାହାକୁ କି ରଣବୀର ଏବେ ସେୟାର କରିଛନ୍ତି । ସେ କହିଛନ୍ତି ଯେ, ‘ମୋର ପ୍ରଥମ ଫିଲ୍ମ ରିଲିଜ ପୂର୍ବରୁ ପୋଷ୍ଟର ବିଭିନ୍ନ ଜାଗାରେ ଲାଗିଥିଲା । ମୁଁ ଏକ ଫିଲ୍ମ ଦେଖିବାକୁ ଗଲାବେଳ ଲୋକେ ପୋଷ୍ଟର ଆଗରେ ଠିଆ ହେବାର ଦେଖିଲି । ସେମାନେ କ’ଣ କଥା ହେଉଛନ୍ତି ଜାଣିବାପାଇଁ ମୁଁ ତାଙ୍କ ପାଖକୁ ଯାଇଥିଲି । ସେମାନେ କଥା ହେଉଥିଲେ ଇଏ କିଏ? ଇଏ ତ ହିରୋ ଭଳି ଦେଖାଯାଉନି?’  ଏହା ପରେ ନିର୍ଦ୍ଦେଶକ ଆଦିତ୍ୟ ଚୋପ୍ରା କହିଥିଲେ ‘ତୁମେ ହ୍ରିତିକ୍ ରୋସନ ନୁହଁ, ତେଣୁ ତୁମେ ଅଭିନୟ କର’ ।

ଏହା ପରେ ନିଜେ ଆଦିତ୍ୟ ହିଁ ତାଙ୍କୁ ବଲିଉଡରେ ଡେବ୍ୟୁ କରାଇଥିଲେ । ନିକଟରେ ତାଙ୍କର ନୂଆ ଫିଲ୍ମ ‘ଜୟେସଭାଇ ଜୋରଦାର୍’ର ଟ୍ରେଲର ରିଲିଜ ହୋଇସାରିଛି । ଏଥିରେ ରଣବୀର ଜଣେ ଗୁଜୁରାଟି ବ୍ୟକ୍ତି ଚରିତ୍ରରେ ନଜର ଆସିବେ । ତାଙ୍କ ବିପକ୍ଷରେ ଅର୍ଜୁନ ରେଡି ଫେମ୍ ଅଭିନେତ୍ରୀ ଶାଲିନୀ ପାଣ୍ଡେଙ୍କୁ ଦେଖିବାକୁ ମିଳିବ । ଏହି ଫିଲ୍ମ ଜରିଆରେ ଶାଲିନୀ ବଲିଉଡରେ ଡେବ୍ୟୁ କରିବେ । ତେବେ ଫିଲ୍ମରେ ରଣବୀରଙ୍କ ବ୍ୟତୀତ ରତ୍ନା ପାଠକ ଓ ବୋମନ ଇରାନୀ ମଧ୍ୟ ନଜର ଆସିବେ । ଏହି ଫିଲ୍ମ ଆସନ୍ତା ମେ ୧୩ରେ ରିଲିଜ ହେବ ।