ମୁମ୍ବାଇସ୍ଥିତ ଖାର୍ ପୋଲିସ ଷ୍ଟେସନରେ ହାଜର ହେଲେ ଅପୂର୍ବା ମୁଖିଜା

ମୁମ୍ବାଇ : ଥମୁନି ୟୁଟ୍ଯୁବର ରଣବୀର ଆଲାହାବାଦିଆ ଝଡ଼। ସୋସିଆଲ ମିଡିଆ ଇନଫ୍ଲୁଏନ୍ସର ଅପୂର୍ବା ମୁଖିଜାଙ୍କ ବିରୋଧରେ ମାମଲା ଦାୟର ପରେ ସେ ମୁମ୍ବାଇସ୍ଥିତ ଖାର୍ ପୋଲିସ ଷ୍ଟେସନରେ ହାଜର ହୋଇଛନ୍ତି। ସମୟ ରାଣାଙ୍କ ଇଣ୍ଡିଆଜ ଗଟ ଲାଟେଣ୍ଟରେ ଅରୁଚିକର ମନ୍ତବ୍ଯ ମାମଲାରେ  ଅପୂର୍ବାଙ୍କ ନାମରେ ବି ଏଫଆଇଆର ଦାୟର ହୋଇଥିଲା। ସୋ ଚାଲିଥିବାବେଳେ ଅରୁଚିକର ତଥା ଅଶ୍ଳୀଳ ମନ୍ତବ୍ଯକୁ ପ୍ରୋତ୍ସାହନ ଦେବା ଅଭିଯୋଗରେ ଅପୂର୍ବାଙ୍କ ବିରୋଧରେ ଏତଲା ଦାୟର ହୋଇଥିଲା। ଏହି କାର୍ଯ୍ଯକ୍ରମରେ ରଣବୀର, ଆଶିଷ ଚଞ୍ଚଲାନି, ଯଶପ୍ରୀତ ସିଂ ଓ ହୋଷ୍ଟ ସମୟ ରାଇନାଙ୍କ ସହ ସାମିଲ ହୋଇଥିଲେ ଅପୂର୍ବା। ରିବେଲ କିଡ ବା କାଲେଶୀ ଔରତ ନାମରେ ପରିଚିତ ଅପୂର୍ବା ଏହି ସୋରେ କଟୁ ମନ୍ତବ୍ଯ ଦେଇଥିବା ଅଭିଯୋଗ ହୋଇଥିଲା। ଏହି ଘଟଣାରେ ରଣବୀରଙ୍କ ବିରୋଧରେ ଆସାମ ଓ ମହାରାଷ୍ଟ୍ର ପୋଲିସ ପକ୍ଷରୁ ମାମଲା ଦାୟର ହୋଇଥିଲା। ୨୦୦୧ରେ ଜନ୍ମିତ ଅପୂର୍ବାଙ୍କ ଇନଷ୍ଟାଗ୍ରାମରେ ରହିଛନ୍ତି ୨୭ ଲକ୍ଷ ଫଲୋୟର୍ସ।