ଚାନ୍ଦିପୁରରୁ ପିନାକା Mk-Iର ସଫଳ ପରୀକ୍ଷଣ କଲା DRDO

1 min read
Random Test Of Pinaka Mk-I From Chandipur Succeed Balasore Missile DRDO

ବାଲେଶ୍ୱର: ବାଲେଶ୍ୱର ଚାନ୍ଦିପୁର କ୍ଷେପଣାସ୍ତ୍ର ଘାଟିରୁ ବୁଧବାର ପିନାକା Mk-Iର ସଫଳ ପରୀକ୍ଷଣ କରାଯାଇଛି । ପିନାକାର ଉନ୍ନତ ସଂସ୍କରଣର ସଫଳ ପରୀକ୍ଷଣ ହୋଇଥିବା ବେଳେ ଏହାର କ୍ଷମତା ବୃଦ୍ଧି ହୋଇଛି । ଏହି ପରୀକ୍ଷଣ ପ୍ରୁଫ ଆଣ୍ଡ ଏକ୍ସପେରିମେଣ୍ଟ ଏଷ୍ଟାବ୍ଲିସମେଣ୍ଟରୁ କରାଯାଇଛି । ଲଗାତାର ୬ଟି ରକେଟ୍ ଉତକ୍ଷେପଣ କରାଯାଇଥିଲା, ଯାହାକି ମିଶନର ଉଦ୍ଦେଶ୍ୟକୁ ସଫଳ କରିଛି । ସଫଳତା ପାଇଁ ଡିଆରଡିଓକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି ।

ସୂଚନା ଅନୁସାରେ ପିନାକା Mk-I ଏବେର ପିନାକାର ଉନ୍ନତ ସଂସ୍କରଣ । ପ୍ରଥମ ପିନାକାରେ ନାଭିଗେସନ୍ ସିଷ୍ଟମ ନଥିଲା । ଅପଗ୍ରେଡ୍ ପିନାକାରେ ନାଭିଗେସନ୍ ସିଷ୍ଟମ ରହିଛି । ଏଥିପାଇଁ ହାଇଦ୍ରାବାଦ ସ୍ଥିତ ରିସର୍ଚ୍ଚ ସେଣ୍ଟର ଇମାରତ (ଆରସିଆଇ) ନୌବାହନ, ନାଭିଗେସନ୍ ଓ ନିୟନ୍ତ୍ରଣ କିଟ୍ ପ୍ରସ୍ତୁତ କରିଥିଲା ।

ପୂର୍ବ ପିନାକାରେ ଗାଇଡ୍ ଟେକ୍ନୋଲଜି ନଥିଲା । ଏବେ ଏହାକୁ ଅପଗ୍ରେଡ୍ କରାଯାଇ ଗାଇଡିଂ ପ୍ରଣାଳୀ ଦିଆଯାଇଛି । ଲଗାତାର ୬ ରାଉଣ୍ଡରେ ପ୍ରାୟ ୪୫ କିଲୋମିଟର ଦୂରତାକୁ ହୋଇଛି ପରୀକ୍ଷା । ୪୪ ସେକଣ୍ଡ ମଧ୍ୟରେ କରାଯାଇଛି ୬ ରାଉଣ୍ଡ ପରୀକ୍ଷା । ପରୀକ୍ଷା ପାଇଁ ଗୋଟିଏ ଲଞ୍ଚରରେ ୧୨ଟି ରକେଟ୍‌ ଖଞ୍ଜା ଯାଇଥାଏ । କାର୍ଗିଲ ଯୁଦ୍ଧରେ ଏହି ଲଞ୍ଚର ବ୍ୟବହାର କରିଥିଲା ଭାରତୀୟ ସ୍ଥଳସେ । ପୂର୍ବରୁ Mk-I ରକେଟ୍‌ ଲଞ୍ଚରର ଲକ୍ଷ୍ୟଭେଦ କ୍ଷମତା ୪୦ କିଲୋମିଟର ଥିଲା । ଏହାର ବ୍ୟାରେଲ ଲମ୍ଭ ୭.୨ ମିଟର ଓ ମୋଟେଇ ୮.୪ ଇଞ୍ଚ ଅଟେ ।

Leave a Reply